ਤੇਰੇ ਵਿਯੋਗ ਨੂੰ -ਸੁਰਜੀਤ ਪਾਤਰ

ਤੇਰੇ ਵਿਯੋਗ ਨੂੰ ਕਿੰਨਾ ਮੇਰਾ ਖ਼ਿਆਲ ਰਿਹਾ
ਕਿ ਸਾਰੀ ਉਮਰ ਹੀ ਲੱਗਿਆ ਕਲੇਜੇ ਨਾਲ ਰਿਹਾ

ਅਸੀਂ ਤਾਂ ਮੱਚਦੇ ਹੋਏ ਅੰਗਿਆਰਿਆਂ `ਤੇ ਨੱਚਦੇ ਰਹੇ
ਤੁਹਾਡੇ ਹੀ ਸ਼ਹਿਰ `ਚ ਹੀ ਝਾਂਜਰਾ ਦਾ ਕਾਲ ਰਿਹਾ

ਮੇਰੇ ਬਹਾਰ ਦੇ ਫੁੱਲ ਮੰਡੀਆਂ `ਚ ਸੜਦੇ ਰਹੇ
ਇੱਕ ਅੱਗ ਦਾ ਲਾਂਬੂ ਹੀ ਮੇਰਾ ਦਲਾਲ ਰਿਹਾ

ਮੈਂ ਉਨ੍ਹਾਂ ਲੋਕਾ `ਚੋਂ ਹਾ ਜੋ ਸਦਾ ਚ ਸਫਰ ਰਹੇ
ਜਿਨ੍ਹਾਂ ਦੇ ਸਿਰ `ਤੇ ਸਦਾ ਤਾਰਿਆਂ ਦਾ ਥਾਲ ਰਿਹਾ

ਤੇਰੇ ਵਿਯੋਗ ਨੂੰ ਕਿੰਨਾ ਮੇਰਾ ਖ਼ਿਆਲ ਰਿਹਾ
ਕਿ ਸਾਰੀ ਉਮਰ ਹੀ ਲੱਗਿਆ ਕਲੇਜੇ ਨਾਲ ਰਿਹਾ