ਨਰਕਕੁੰਡ ਦਾ ਹਿਟਲਰ -ਪਾਬਲੋ ਨੈਰੂਦਾ

Posted on:- 16-03-2019

ਨਰਕਕੁੰਡ 'ਚ ਕਿਹੜੀ ਬੰਦੂਆ ਮਜ਼ਦੂਰੀ
ਕਰਦਾ ਹੈ, ਹਿਟਲਰ ?

ਉਹ ਦੀਵਾਰਾਂ ਰੰਗਦਾ ਹੈ ਜਾਂ ਲਾਸ਼ਾਂ ਦੇ ਪਿੰਜਰ?
ਕੀ ਉਹ ਸੁੰਘਦਾ ਹੈ ਮੁਰਦਿਆਂ ਦੀ ਗੰਧ ਦਾ ਧੂੰਆਂ ?

ਕੀ ਉਹ ਉਸਨੂੰ ਖਵਾਉਂਦੇ ਹਨ ਖਾਕ
ਉਹਨਾਂ ਸਾਰੇ ਮਰੇ ਹੋਏ ਬੱਚਿਆਂ ਦੀ ?

ਜਾਂ ਮਰਨ ਤੋਂ ਬਾਅਦ ਉਸਨੂੰ ਮਿਲਦਾ ਹੈ ਲਹੂ
ਚਿਮਨੀ ਨਾਲ ਪੀਣ ਲਈ ?

ਜਾਂ ਕੀ ਉਹ ਉਸਦੇ ਮੂੰਹ ਵਿੱਚ ਹਥੌੜੇ ਨਾਲ ਠੋਕਦੇ ਹਨ
ਖਿੱਚ ਕੇ ਕੱਢੇ ਗਏ ਸੋਨੇ ਦੇ ਸਾਰੇ ਦੰਦ ?

ਕੀ ਉਹ ਉਸਨੂੰ ਸੁਲਾਉਂਦੇ ਹਨ
ਉਸਦੀ ਕੰਢਿਆਲੀ ਤਾਰ ਦੀ ਵਾੜ ਉੱਤੇ ?

ਜਾਂ ਉਹ ਉਸਦੀ ਚਮੜੀ ਉੱਤੇ ਬਣਾਉਂਦੇ ਹਨ ਚਿੱਤਰ
ਨਰਕ ਦੇ ਦੀਵਿਆਂ ਲਈ ?

ਜਾਂ ਲਪਟਾਂ ਦੇ ਕਾਲੇ ਕੁੱਤੇ
ਵੱਡਦੇ ਹਨ ਉਸਨੂੰ ਬੇਰਹਿਮੀ ਨਾਲ ?

ਜਾਂ ਕੀ ਉਸਨੂੰ ਬਿਨਾਂ ਅਰਾਮ ਕੀਤੇ ਕਰਨਾ ਪੈਂਦਾ ਹੈ ਸਫਰ
ਆਪਣੇ ਸੈਨਿਕਾਂ ਨਾਲ ਦਿਨ-ਰਾਤ ?

ਜਾਂ ਗੈਸ ਦੇ ਨਜਦੀਕ ਸਦੀਵੀ
ਉਸਨੂੰ ਮਰਨਾ ਚਾਹੀਦਾ ਹੈ ਬੇਮੌਤ ?

ਅਨੁਵਾਦ - ਮਨਦੀਪ,

[email protected]

ਨਰਕਕੁੰਡ ਦਾ ਹਿਟਲਰ -ਪਾਬਲੋ ਨੈਰੂਦਾ

Posted on:- 16-03-2019

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ