ਗ਼ਜ਼ਲ - ਆਰ.ਬੀ. ਸੋਹਲ

Posted on:- 28-08-2016

ਹੁਸਨ ਨੂੰ ਆਪਣਾ ਖੁਦਾ ਜਦ ਤੋਂ ਬਣਾਇਆ ਇਸ਼ਕ ਨੇ ।
ਪਿਆਰ ਤੋਂ ਕੁਰਬਾਨ ਹੋਣਾ ਹੀ ਸਿਖਾਇਆ ਇਸ਼ਕ ਨੇ ।

ਹੋਸ਼ ਵਿਚ ਆਈਆਂ ਨੇ ਰੂਹਾਂ ਭਟਕਨਾ ਵੀ ਮਿਟ ਗਈ,
ਨਾਦ ਅਨਹਦ ਦਾ ਉਨ੍ਹਾਂ ਨੂੰ ਜਦ ਸੁਣਾਇਆ ਇਸ਼ਕ ਨੇ ।

ਮਹਿਲ ਤੇ ਵੱਡੀਆਂ ਜਗੀਰਾਂ ਤਿਆਗ ਕੇ ਬੁੱਧ ਬਣ ਗਿਆ,
ਰਾਹ ਸਿਧਾਰਥ ਨੂੰ ਸਚਾਈ ਦਾ ਵਿਖਾਇਆ ਇਸ਼ਕ ਨੇ ।

ਲਾ ਲਿਆ ਗਲ ਨਾਲ ਬੁੱਲਾ ਸ਼ਾਹ ਇਨਾਅਤ ਨੇ ਉਦੋਂ,
ਕੰਜਰੀਆਂ ਦੇ ਵਾਂਗ ਬੁੱਲਾ ਜਦ ਨਚਾਇਆ ਇਸ਼ਕ ਨੇ ।

ਬਸ਼ਰ ਜੋ ਮਜ਼ਲੂਮ   ਉੱਤੇ ਜ਼ੁਲਮ   ਹੀ   ਕਰਦਾ   ਰਿਹਾ,
ਦਰਦ ਦਾ ਅਸਿਸਾਸ ਵੀ ਉਸਨੂੰ ਕਰਾਇਆ ਇਸ਼ਕ ਨੇ ।

ਕੌਰਵਾਂ   ਨੇ   ਵਾਰ   ਕੀਤਾ   ਜਦ   ਦਰੋਪਦ    ਨਾਰ   ਤੇ,
ਭੇਜਿਆ ਕੇਸ਼ਵ ਤੇ ਇਜੱਤ   ਨੂੰ ਬਚਾਇਆ ਇਸ਼ਕ ਨੇ ।

ਉਹ   ਕਦੇ ਬੂਟਾ ਨਾ ਡਰਿਆ ਝੱਖੜਾਂ   ਦੀ   ਮਾਰ   ਤੋਂ ,
ਚੀਰ ਕੇ ਪਰਬਤ ਦਾ ਸੀਨਾ ਜੋ ਉਗਾਇਆ ਇਸ਼ਕ ਨੇ ।

ਇਸ਼ਕ ਅੱਲਾ   ਇਸ਼ਕ ਮੌਲਾ ਸੋਹਲ ਨੇ ਜਦ ਮਨ ਲਿਆ,
ਜ਼ਿੰਦਗੀ   ਨੂੰ   ਖੂਬਸੂਰਤ   ਹੀ   ਬਣਾਇਆ   ਇਸ਼ਕ ਨੇ ।

ਗ਼ਜ਼ਲ - ਆਰ.ਬੀ. ਸੋਹਲ

Posted on:- 28-08-2016

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ