ਗ਼ਜ਼ਲ - ਆਰ.ਬੀ.ਸੋਹਲ

Posted on:- 03-07-2016

ਦਰਦ ਦਿਲ ਦਾ ਵਧ ਰਿਹਾ ਹੈ, ਦਿਲਲਗੀ ਦੇ ਨਾਲ ਨਾਲ ।
ਬੇਬਸੀ ਵੀ ਪਲ ਰਹੀ   ਹੈ, ਬੇਖੁਦੀ   ਦੇ ਨਾਲ ਨਾਲ ।

ਕਰ ਰਿਹਾ ਏਂ ਦਿਲਬਰਾ ਤੂੰ,ਬਣ ਕੇ ਨਸ਼ਤਰ ਦਿਲ ਤੇ ਵਾਰ,
ਇੰਝ   ਦਾ ਮੰਜਰ   ਹੈ ਤੇਰੀ, ਦੋਸਤੀ ਦੇ   ਨਾਲ ਨਾਲ ।

ਖੌਫ਼   ਦਿਲ ਚੋਂ ਮੌਤ ਦਾ ਕੱਢ ,ਜਿੰਦਗੀ ਤੇ ਰੱਖ ਯਕੀਨ,
ਮੌਤ ਤਾਂ   ਚਲਦੀ   ਰਹੇਗੀ. ਜਿੰਦਗੀ ਦੇ   ਨਾਲ ਨਾਲ ।

ਉਹ   ਬੜੇ   ਮਾਸੂਮ   ਬਣਕੇ, ਭਾਲਦੇ   ਨੇ    ਮਦਦਗਾਰ,
ਲੁਟ ਰਹੇ ਪਰ ਚਿਹਰਿਆਂ ਦੀ, ਸਾਦਗੀ ਦੇ ਨਾਲ ਨਾਲ ।

ਆਦਮੀ   ਦੀ    ਹਰ   ਸਹੂਲਤ, ਵਾਸਤੇ   ਹੈ   ਇੰਤਜ਼ਾਮ,
ਹੈ   ਨੇ   ਮੈਖਾਨੇ   ਤੇ ਮੰਦਿਰ, ਹਰ ਗਲੀ ਦੇ ਨਾਲ ਨਾਲ ।

ਚਾਨਣੀ ਦਾ   ਮੁੱਲ ਨਾ ਪੈਂਦਾ, ਨ੍ਹੇਰਿਆਂ ਦੇ ਵੀ   ਬਗੈਰ,
ਸਫ਼ਰ   ਨ੍ਹੇਰੇ   ਦਾ   ਜਰੂਰੀ,   ਰੌਸ਼ਨੀ   ਦੇ ਨਾਲ ਨਾਲ ।

ਬਸ ਨਸੀਹਤ ਦੇਣ ਖਾਤਿਰ, ਲਿਖ ਰਿਹਾ ਗਜ਼ਲਾਂ ਤੂੰ ਸੋਹਲ,
ਅਮਲ ਵੀ ਪਰ ਹੈ ਜਰੂਰੀ, ਸ਼ਾਇਰੀ   ਦੇ   ਨਾਲ ਨਾਲ ।

ਈ-ਮੇਲ: [email protected]

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 03-07-2016

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ