ਵਿਹੜੇ ਵਾਲੇ -ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 16-11-2015

ਤੁਸੀਂ ਧਰਮਾਂ ਲਈ ਲੜਦੇ ਹੋ,
ਖੂਨ-ਖਰਾਬਾ ਕਰਦੇ ਹੋ,
ਧਰਮ ਕੀ ਅਸੀਂ ਨਾਮ ਵੀ ਭੁੱਲੇ,
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ ...

ਫਸਲਾਂ ਬੀਜੀਏ, ਪਾਲੀਏ, ਵੱਢੀਏ,
ਖੂਨ-ਪਸੀਨਾ ਇੱਕ ਕਰ ਛੱਡੀਏ,
ਤਾਹਨੇ-ਮੇਹਣੇ ਕੱਸਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ...

ਗੋਹਾ-ਪੌਚਾ ਅਸੀਂ ਹੀ ਕਰੀਏ,
ਐਪਰ ਚੁੱਲੇ ਪੈਰ ਨਾ ਧਰੀਏ,
ਨੱਕ-ਬੁੱਲ ਪਏ ਵੱਟਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ ...

ਧੀਆਂ ਤੋਂ ਝੋਨਾ ਲਗਵਾਈਏ,
ਪੱਠਿਆਂ ਬਦਲੇ ਪੱਤ ਗਵਾਈਏ,
ਅਣਖ ਨਾ ਦਿੰਦੀ ਵੱਸਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ ...

ਦਿਨੇ-ਰਾਤ ਅਸੀਂ ਹੱਡ ਤੁੜਾਈਏ,
ਫ਼ਿਰ ਵੀ ਬੱਚੇ ਪੜਾ ਨਾ ਪਾਈਏ,
ਮਹਿੰਗਾਈ ਪਾਏ ਬੱਝਣ ਸਾਨੂੰ ।
ਗਾਲਾਂ ਦੇ ਕੇ ਸੱਦਣ ਸਾਨੂੰ ।
ਧੱਕੇ ਮਾਰ ਕੇ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਸੱਦਣ ਸਾਨੂੰ...

ਕੰਮ ਪ੍ਰਤੀ ਵੀ ਫਰਜ਼ ਨਿਭਾਉਣਾ,
ਐਪਰ ਆਪਣਾ ਚੰਮ ਬਚਾਉਣਾ,
ਏਕਾ ਕਰਨੋ ਡੱਕਣ ਸਾਨੂੰ ?
ਗਾਲਾਂ ਦੇ ਨਾ ਸੱਦਣ ਸਾਨੂੰ ।
ਧੱਕੇ ਮਾਰ ਨਾ ਕੱਢਣ ਸਾਨੂੰ ।
ਵਿਹੜੇ ਵਾਲੇ ਨਾ ਸੱਦਣ ਸਾਨੂੰ ।
ਨਾਮ ਨਾਲ ਸਭ ਸੱਦਣ ਸਾਨੂੰ ...

ਸੰਪਰਕ: +91 98552 07071

ਵਿਹੜੇ ਵਾਲੇ -ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 16-11-2015

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ