ਸੂਰਬੀਰ ਬਹਾਦਰਾਂ ਦੇ ਨਾਂ -ਐੱਸ ਸੁਰਿੰਦਰ

Posted on:- 29-07-2015

ਇੱਕ ਦਿਲਬਰ ਮੋਇਆ ਏ ,
ਲਾਲੋ ਅੱਜ ਫਾਸੀ ਚੜ੍ਹਿਆ , ਫੁੱਲ ਕੰਡਿਆਂ ਨੇ ਕੋਇਆ ਏ ।

ਇੱਕ ਦੀਵਾ ਬਲਿਆ ਏ ,
ਪ੍ਰੇਮ ਵਿੱਚੋਂ ਲਾਟ ਨਿੱਕਲੀ , ਇੱਕ ਭੰਵਰਾ ਜਲਿਆ ਏ ।

ਅੱਖ ਫੁੱਲ ਦੀ ਚੋਈ ਏ ,
ਕੀ ਤੈਨੂੰ ਆਖਾਂ ਹਾਕਮਾ , ਆਂਤ ਦਰਦ ਪਰੋਈ ਏ ।

ਅੱਜ ਸੱਚ ਗੁਆਚਾ ਏ ,
ਮੌਤ ਵਿਆਉਣੀ ਵੈਰੀਆ , ਸੂਹੇ ਰੰਗ ਦਾ ਲਾਚਾ ਏ ।

ਸੂਹੀ ਪੱਗੜੀ ਸਜਾਈ ਏ ,
ਬੁੱਝਣੀ ਨਾ ਤੈਥੋਂ ਹਾਕਮਾ , ਐਸੀ ਜੋਤ ਜਗਾਈ ਏ ।

ਤੈਨੂੰ ਬੁਜ਼ਦਿਲ ਮੰਨਿਆ ਏ ,
ਜਿੰਦ ਅਸਾਂ ਵਾਰ ਦੇਣੀ , ਗਾਨਾ ਮੌਤ ਦਾ ਬੰਨਿਆ ਏ ।

ਮੇਰੀ ਨਗਰੀ ਆਵੀਂ ਨਾ ,
ਰਾਜ ਹੈ ਹਨੇ੍ਹਰੇ ਦਾ , ਸੱਚੀ ਬਾਤ ਸੁਣਾਵੀਂ ਨਾ ।

ਤੇਰੇ ਸ਼ਹਿਰ ਚੋਂ ਤੁਰ ਜਾਣਾ ,
ਅਸਾਂ ਨਹੀਂ ਆਣਾ ਮੁੜ ਕੇ , ਰੰਗ ਹਾਸਿਆਂ ਦਾ ਖੁਰ ਜਾਣਾ ।

ਤੇਰਾ ਰਾਜ ਗੁਲਾਮਾਂ ਵੇ,
ਸੱਚਿਆਂ ਨੂੰ ਪੈਣ ਠੋਕਰਾਂ , ਹੋਣ ਝੂੱਠ ਨੂੰ ਸਲਾਮਾਂ ਵੇ ।

ਮਾਹੀਆ ਸੱਚ ਦਾ ਗਾਉਂਣਾ ਏ ।
ਹੋਕਾ ਦੇਵਾਂ ਗਲੀ-ਗਲੀ , ਸੁੱਤਾ ਸ਼ਹਿਰ ਜਗਾਣਾ ਏ ।

ਸੂਰਬੀਰ ਬਹਾਦਰਾਂ ਦੇ ਨਾਂ -ਐੱਸ ਸੁਰਿੰਦਰ

Posted on:- 29-07-2015

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ