ਜੂਨ ਚੁਰਾਸੀ -ਐੱਸ ਸੁਰਿੰਦਰ

Posted on:- 03-06-2015

ਜੂਨ ਮਹੀਨਾ ਫੇਰ ਦੁਬਾਰਾ ਆਇਆ ਹੈ
ਦਿਲ ਮੇਰੇ ਨੇ ਗੀਤ ਉਦਾਸਾ ਗਾਇਆ ਹੈ
ਬੇਦੋਸ਼ਾ ਕੋਈ ਮੋਇਆ ਮੇਰੀ ਅੱਖ਼ ਅੰਦਰ
ਜਾਗ ਹੰਝੂ ਦਾ ਜਿਸ ਨੇ ਮੈਨੂੰ ਲਾਇਆ ਹੈ ।
ਜੂਨ ਮਹੀਨਾ ਫੇਰ !

ਲੱਗੇ ਜ਼ਖ਼ਮ ਜਿਗਰ ’ਤੇ ਕੀਕਣ ਧੋਵਾਂਗੇ
ਕਿਸ ਨੂੰ ਦੁੱਖ ਸੁਣਾਈਏ,ਕਿੱਥੇ ਰੋਵਾਂਗੇ
ਹਮਸਾਏ ਨੇ ਐਸਾ ਜ਼ੁਲਮ ਕਮਾਇਆ ਹੈ ।
ਜੂਨ ਮਹੀਨਾ ਫੇਰ !

ਐਸ ਫੱਟ ਨੇ ਹਰਦਮ ਰਿਸਦੇ ਰਹਿਣਾ ਹੈ
ਐਸ ਦਰਦ ਨੇ ਸੋਚਾਂ ਅੰਦਰ ਵਹਿਣਾ ਹੈ
ਦੀਵਾ ਰੰਝ ਦਾ ਮੱਥੇ ਕਿਸੇ ਟਿਕਾਇਆ ਹੈ ।
ਜੂਨ ਮਹੀਨਾ ਫੇਰ !

ਬੁੱਕਲ ਦਿਆਂ ਸੱਪਾਂ ਨੇ ਸਾਨੂੰ ਮਾਰ ਲਿਆ
ਗੈਰਤ ਵਾਲਾ ਜਾਨ ਹੱਸ ਕੇ ਵਾਰ ਗਿਆ
ਦੇ ਕੇ ਫੇਰ ਹਲੂਣਾ ਕਿਸੇ ਜਗਾਇਆ ਹੈ ।
ਜੂਨ ਮਹੀਨਾ ਫੇਰ !

ਸੁਰਿੰਦਰ ਕਾਲੇ ਬੱਦਲ ਹਾਲੇ ਮੁੱਕੇ ਨਹੀਂ
ਅੱਖੀਆਂ ਵਿੱਚੋਂ ਰੱਤੜੇ ਹੰਝੂ ਸੁੱਕੇ ਨਹੀਂ
ਕੱਲਿਆਂ ਤੁਰਨਾ ਪੈਣਾ ਯਾਰ ਪਰਾਇਆ ਹੈ ।
ਜੂਨ ਮਹੀਨਾ ਫੇਰ !

ਜੂਨ ਚੁਰਾਸੀ -ਐੱਸ ਸੁਰਿੰਦਰ

Posted on:- 03-06-2015

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ