ਗ਼ਜ਼ਲ -ਆਰ.ਬੀ.ਸੋਹਲ

Posted on:- 28-04-2015

ਰੂਹ ਰੁੱਸ ਗਈ ਹੈ ਯਾਰੋ, ਉਸਨੂੰ ਮਨਾ ਰਹੇ ਹਾਂ।
ਦਿਲ   ਦੇ ਉਦਾਸ ਵਿਹੜੇ, ਆਸਾਂ ਸਜਾ ਰਹੇ ਹਾਂ ।

ਵਿੰਨਦੇ   ਨੇ ਆਤਮਾ   ਨੂੰ, ਆਪਣੇ ਹੀ ਲੋਕ ਭਾਂਵੇ,
ਗੈਰਾਂ ਦੀ ਪੀੜ ਫਿਰ ਵੀ ,ਆਪਣੀ ਬਣਾ ਰਹੇ ਹਾਂ

ਕਰ ਕੇ ਜ਼ੁਬਾਨ ਫਿਰ ਨਾ, ਹੋਏ ਕਦੇ ਵੀ ਮੁਨਕਰ,
ਅੱਗ ਦੀ ਨਦੀ ਨੂੰ ਤਰ ਕੇ ,ਵਾਧੇ ਪੁਗਾ ਰਹੇ ਹਾਂ ।

ਪੱਤਝੜ   ਦੇ ਦੌਰ   ਅੰਦਰ , ਲੱਭਦੇ ਪਏ ਬਹਾਰਾਂ,
ਟੁੰਡਾਂ   ਤੇ   ਰੋਜ਼   ਸੱਜਰੇ, ਪੱਤੇ   ਸਜਾ ਰਹੇ ਹਾਂ ।

ਰਾਹਾਂ ‘ਚ   ਬਹੁਤ ਸੂਲਾਂ, ਹੋਏ   ਨੇ ਪੈਰ ਜ਼ਖਮੀਂ,
ਰਫਤਾਰ ਸਹਿਜ ਵਾਲੀ, ਫਿਰ ਵੀ ਬਚਾ ਰਹੇ ਹਾਂ ।

ਆਪਾਂ ਹਾਂ ਸੱਚ ਦੇ ਜੁਗਨੂੰ, ਕੁਫਰਾਂ ਦੀ ਰਾਤ ਕਾਲੀ,
ਆਪਾ ਜਲਾ ਕੇ ਆਪਣਾ , ਨ੍ਹੇਰਾ ਮੁਕਾ ਰਹੇ   ਹਾਂ ।

ਹਰ ਇੱਕ ਖੁਸ਼ੀ ਦਾ ਪੰਛੀ, ਮਾਣੇ ਸਦਾ ਅਜਾਦੀ,
ਜੋ ਕੈਦ ਹੈ ਗ਼ਮਾਂ ਦੀ, ਉਸਤੋਂ   ਛੁਡਾ ਰਹੇ ਹਾਂ ।

ਜ਼ਿੰਦਗੀ ਨੂੰ ਮਿਲ ਕੇ ਸਾਡੀ, ਹੁਣ ਮੁੱਕ ਗਈ ਹੈ ਭਟਕਣ,
ਖਾਬਾਂ ਦੇ ਖੇਤ ਵਿਚ ਹੁਣ, ਰੀਝਾਂ ਉਗਾ   ਰਹੇ ਹਾਂ ।

Comments

ਸ਼ਮਸ਼ੇਰ ਸੰਧੂ

ਜ਼ਿੰਦਗੀ ਨੂੰ ਮਿਲ ਕੇ ਸਾਡੀ, ਹੁਣ ਮੁੱਕ ਗਈ ਹੈ ਭਟਕਣ, ਖਾਬਾਂ ਦੇ ਖੇਤ ਵਿਚ ਹੁਣ, ਰੀਝਾਂ ਉਗਾ ਰਹੇ ਹਾਂ । ਵਾਹ ਖੂਬ ਕਿਹਾ ਹੈ

ਗ਼ਜ਼ਲ -ਆਰ.ਬੀ.ਸੋਹਲ

Posted on:- 28-04-2015

Comments

ਸ਼ਮਸ਼ੇਰ ਸੰਧੂ

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ