ਧਾਰਮਿਕ ਟੱਪੇ -ਐੱਸ. ਸੁਰਿੰਦਰ ਇਟਲੀ

Posted on:- 20-10-2014

ਪਰਾਤ ।
ਸਰਸਾ ਚ' ਹੜ੍ਹ ਆ ਗਿਆ , ਆਈ ਵਿਛੜਨ ਵਾਲੀਂ ਰਾਤ ।

ਬਾਜ ।
ਲੱਖਾਂ ਨਾਲ ਕੱਲਾ ਲੜ੍ਹਿਆ , ਅਜੀਤ ਦੇ ਗਿਆ ਮੌਤ ਨੂੰ ਭਾਂਜ ।

ਮਸੀਹਾ ।
ਧਰਮੋਂ ਨੀ ਮੁੱਖ ਮੋੜਨਾ , ਸੂਬੇ ਹੱਸ-ਹੱਸ ਝੱਲਣਾ ਤਸੀਹਾ ।

ਸਰਹੰਦ ।
ਕਰ ਲੈ ਜ਼ੁਲਮ ਸੂਬਿਆ , ਸਾਡਾ ਸਿਦਕ ਦੀਵਾਰ ਤੋਂ ਬੁਲੰਦ ।

ਕਾਨੀ ।
ਸਾਰਾ ਸਰਬੰਸ ਵਾਰਿਆ , ਰੱਖੀਂ ਕੋਈ ਨਾ ਆਖ਼ਰੀ ਨਿਸ਼ਾਨੀ ।

ਤਾਰਾ ।
ਧੰਨ ਗੁਰੂ ਬਾਜ਼ਾਂ ਵਾਲਿਆਂ , ਪੰਥ ਸਾਜਿਆ ਤੂੰ ਜੱਗ ਤੋਂ ਨਿਆਰਾ ।

ਆਰਾ ।
ਸਿਦਕੋਂ ਨਾ ਮੂਲ ਡੋਲਿਆਂ , ਭਾਈ ਮਨੀ ਸਿੰਘ ਗੁਰੂ ਦਾ ਪਿਆਰਾ ।

ਥਾਲੀ ।
ਸੋਡੀ ਗੁਰੂ ਰਾਮਦਾਸ ਨੇ , ਦਰੋਂ ਮੋੜਿਆ ਨਾ ਕੋਈ ਵੀ ਸਵਾਲੀ ।

ਪਾਣੀ ।
ਸਾਰਾ ਜੱਗ ਕੂੜ੍ਹ ਭਰਿਆ , ਸੱਚੀ ਲੱਗਦੀ ਗੁਰੂ ਜੀ ਤੇਰੀ ਬਾਣੀ ।

ਜੇਰਾ ।
ਪਰਖੇ ਮੈਂ ਸਭ ਰਿਸ਼ਤੇ , ਤੇਰੇ ਬਿਨਾਂ ਨਾ ਸਹਾਰਾ ਕੋਈ ਮੇਰਾ ।

ਧਾਰਮਿਕ ਟੱਪੇ -ਐੱਸ. ਸੁਰਿੰਦਰ ਇਟਲੀ

Posted on:- 20-10-2014

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ