ਗ਼ਜ਼ਲ - ਪਾਲੀ ਖ਼ਾਦਿਮ

Posted on:- 20-04-2014

ਧਰਤ ਤੇ ਹੁਣ ਰੱਬ ਦੇ ਨਾਂ ਵਿਛ ਗਿਆ ਇੱਕ ਜਾਲ ਹੈ।
ਸੂਰਜਾਂ ਦੇ ਹੁੰਦਿਆਂ ਵੀ ਰੌਸ਼ਨੀ ਦਾ ਕਾਲ ਹੈ ।

ਰੌਸ਼ਨੀ ਦੀ ਭਾਲ ਵਿੱਚ ਜਦ ਮੈਂ ਤੁਰਾਂ, ਹੈ ਜਾਪਦਾ,
ਨਾਲ ਮੇਰੇ ਤੁਰ ਰਿਹਾ ਇੱਕ ਤਾਰਿਆਂ ਦਾ ਥਾਲ ਹੈ।

ਝਾਂਜਰਾਂ ਛਣਕਾ ਕੇ ਉਹ ਜੋ ਮਹਿਕ ਬਣ ਕੇ ਉੱਡ ਗਈ,
ਮੁੱਦਤਾਂ ਤੋਂ ਓਸ ਦੀ ਹੀ ਚੱਲ ਰਹੀ ਬਸ ਭਾਲ ਹੈ।

ਜ਼ਿੰਦਗੀ ਦਾ ਫਲਸਫਾ ਜਿਸ ਨੂੰ ਸਮਝ ਹੈ ਆ ਗਿਆ,
ਔਕੜਾਂ ਵਿੱਚ ਮੁਸਕਰਾਵੇ, ਮਸਤ ਰਹਿੰਦੀ ਚਾਲ ਹੈ।

ਖ਼ਾਬ ਦੀ ਅਰਥੀ ਉਠਾਈ ਬੇਕਸਾਂ ਦੇ ਵਾਂਗ ਮੈਂ,
ਗ਼ੈਰ ਕੋਲੇ ਖੜ੍ਹ ਕੇ ਪੁੱਛੇ ਹੁਣ ਤੇਰਾ ਕੀ ਹਾਲ ਹੈ?

ਹਾਂ ਤੇਰੀ ਵਿੱਚ ਹਾਂ ਕਿਵੇਂ ਉਹ ਦੱਸ ਮਿਲਾ ਸਕਦਾ ਭਲਾ,
ਜੋ ਕਦੋ ਦਾ ਕਰ ਰਿਹਾ ਸੰਵਾਦ ਖ਼ੁਦ ਦੇ ਨਾਲ ਹੈ।

ਜੂਨ ਇਕਲਾਪੇ ਦੀ ਮੈਂ ਅਜ਼ਲਾਂ ਤੋਂ ਹੀ ਹੰਢਾ ਰਿਹਾਂ,
ਅੱਥਰੇ ਚਾਵਾਂ ਬਿਨ੍ਹਾਂ ਸਾਹਾਂ ਦੀ ਸੁੰਨੀ ਡਾਲ ਹੈ।

ਗ਼ਮ ਮਿਸਾਲੀ ਕਾਫ਼ਲਾ ਜੋ ਦਰ ਮੇਰੇ ਤੋਂ ਗੁਜ਼ਰਿਆ
ਕਾਫ਼ਲੇ ਦੀ ਚਾਲ ਵਿਚ ਵੀ ਆਪਣਿਆਂ ਦੀ ਚਾਲ ਹੈ।

ਸੰਪਰਕ: +91 99143 10063

ਗ਼ਜ਼ਲ - ਪਾਲੀ ਖ਼ਾਦਿਮ

Posted on:- 20-04-2014

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ