Thu, 21 November 2024

Your Visitor Number :- 7255523

ਜਦੋਂ ਵਟਸਐਪ ਦੇ ਮੈਸੇਜ ਨੇ ਪਾਈਆਂ ਭਾਜੜਾਂ - ਬਿੱਟੂ ਜਖੇਪਲ

Posted on:- 30-01-2015

ਅਜੋਕੀ ਨੌਜਵਾਨ ਪੀੜ੍ਹੀ ’ਚ ਹਰ ਐਕਟਿਵ ਇਨਸਾਨ ਇਹੀ ਚਾਹੁੰਦਾ ਹੈ ਕਿ ਉਸ ਕੋਲ ਐਂਡਰਾਇਡ ਫੋਨ ਹੋਵੇ ਤੇ ਨੈੱਟ ਚੱਲਦਾ ਹੋਵੇ। ਅੱਜ ਇੰਟਰਨੈੱਟ ਦੀ ਵਰਤੋਂ ਕਰਨ ਲਈ ਨੌਜਵਾਨਾਂ ’ਚ ਹੋੜ ਮੱਚੀ ਹੋਈ ਹੈ। ਹਰ ਕੋਈ ਫੋਨ ’ਤੇ ਨਜ਼ਰਾਂ ਟਿਕਾਈ ਰੱਖਦਾ ਹੈ ਕਿ ਕਿੱਧਰੋਂ ਕੁਝ ਆਵੇ ਤੇ ਉਹ ਨਾਲ ਦੀ ਨਾਲ ਜਵਾਬ ਦੇਣ । ਗੱਲ ਕਰਨ ਲੱਗੇ ਹਾਂ ਵਟਸਐਪ ਦੀ।

ਵਟਸਐਪ ਸਾਡੀ ਸਹੂਲਤ ਲਈ ਸ਼ੁਰੂ ਕੀਤੀ ਗਈ ਇੱਕ ਅਜਿਹੀ ਸਹੂਲਤ ਹੈ , ਜਿਸ ਰਾਹੀਂ ਸਾਡੇ ਬਹੁਤ ਸਾਰੇ ਜ਼ਰੂਰੀ ਸੁਨੇਹੇ ਆਸਾਨੀ ਨਾਲ ਇੱਕ-ਦੂਜੇ ਨੂੰ ਭੇਜੇ ਜਾ ਸਕਦੇ ਹਨ ਤੇ ਕੋਈ ਬਹੁਤਾ ਖ਼ਰਚਾ ਵੀ ਨਹੀਂ ਆਉਦਾ ਪਰ ਕੁਝ ਸ਼ਰਾਰਤੀ ਅਨਸਰ ਤੇ ਸੌੜੀ ਸੋਚ ਵਾਲੇ ਲੋਕ ਇਸ ਸਹੂਲਤ ਦੀ ਦੁਰਵਰਤੋਂ ਕਰ ਰਹੇ ਹਨ । ਜਦੋਂ ਕਿਸੇ ਨੂੰ ਵਟਸਐਪ ’ਤੇ ਕੋਈ ਮੈਸੇਜ ਆਉਂਦਾ ਹੈ ਤਾਂ ਉਹ ਉਸ ਨੂੰ ਅੱਗੇ ਦੀ ਅੱਗੇ ਭੇਜ ਦਿੰਦੇ ਹਨ। ਇਹ ਬਹੁਤ ਵਧੀਆ ਤਰੀਕਾ ਹੈ ਕਿਸੇ ਨੂੰ ਚੰਗੀ ਸਿੱਖਿਆ ਦੇਣ ਦਾ ਪਰ ਪਿਛਲੇ ਦਿਨੀਂ ਕਿਸੇ ਸ਼ਰਾਰਤੀ ਅਨਸਰ ਨੇ ਵਟਸਐਪ ’ਤੇ ਇੱਕ ਮੈਸੇਜ ਕੀਤਾ ਕਿ ਇੱਕ ਸਕੂਲੀ ਬੱਸ ਹਾਦਸੇ ਦਾ ਸ਼ਿਕਾਰ ਹੋ ਗਈ ਹੈ , ਜਿਸ ’ਚ 19 ਬੱਚੇ ਗੰਭੀਰ ਜ਼ਖ਼ਮੀ ਹੋ ਗਏ ਹਨ ਤੇ ਉਨ੍ਹਾਂ ਨੂੰ ਐਮਰਜੈਂਸੀ ਖੂਨ ਦੀ ਲੋੜ ਹੈ , ਜਲਦੀ ਹਸਪਤਾਲ ਪਹੁੰਚੋ ।

ਇਹ ਮੈਸੇਜ ਪੜ੍ਹ ਕੇ ਕੁਝ ਇਨਸਾਨੀਅਤ ਦੀ ਕਦਰ ਕਰਨ ਵਾਲੇ ਲੋਕਾਂ ਦੇ ਦਿਲ ਵਲੂੰਧਰੇ ਗਏ ਤੇ ਆਪੋ-ਆਪਣੇ ਗਰੁੱਪਾਂ ’ਚ ਮੈਸੇਜ ਕਰਦੇ ਗਏ । ਇਹ ਮੈਸੇਜ ਕੁਝ ਸਮੇਂ ’ਚ ਹਜ਼ਾਰਾਂ ਲੋਕਾਂ ਕੋਲ ਪਹੁੰਚ ਗਿਆ। ਮਾਸੂਮ ਬੱਚਿਆਂ ਦੀਆਂ ਜਾਨਾਂ ਬਚਾਉਣ ਲਈ ਲੋਕ ਹਸਪਤਾਲ ਪਹੁੰਚਣੇ ਸ਼ੁਰੂ ਹੋ ਗਏ । ਹਸਪਤਾਲ ਜਾ ਕੇ ਡਾਕਟਰਾਂ ਤੋਂ ਪੁੱਛਣ ’ਤੇ ਪਤਾ ਲੱਗਿਆ ਕਿ ਅਜਿਹੀ ਕੋਈ ਵੀ ਘਟਨਾ ਵਾਪਰੀ ਹੀ ਨਹੀਂ , ਉਂਝ ਹੀ ਕਿਸੇ ਨੇ ਮਜ਼ਾਕ ਕੀਤਾ ਹੋਣੈ। ਇਹ ਇੱਕ ਕੋਝਾ ਤੇ ਦਿਲ ਕੰਬਾਊ ਮਜ਼ਾਕ ਸੀ।

ਅਜਿਹੇ ਮੈਸੇਜ ਪੜ੍ਹ-ਸੁਣ ਕੇ ਕੁਝ ਲੋਕ ਬਹੁਤ ਸੀਰੀਅਸ ਹੋ ਜਾਂਦੇ ਹਨ ਕਿ ਖੌਰੇ ਕਿਸੇ ਦੀ ਰਿਸ਼ਤੇਦਾਰੀ ’ਚੋਂ ਕਿਸੇ ਦਾ ਬੱਚਾ ਉਸ ਬੱਸ ’ਚ ਹੋਵੇ । ਮੈਸੇਜ ਕਰਨ ਵਾਲੇ ਲਈ ਤਾਂ ਇਹ ਇੱਕ ਤਰ੍ਹਾਂ ਦਾ ਮਜ਼ਾਕ ਹੋਇਆ ਪਰ ਕਿਸੇ ਦੇ ਘਰੇ ਰੋਣਾ-ਪਿੱਟਣਾ ਪੈ ਜਾਂਦੈ। ਅਜਿਹਾ ਮੈਸੇਜ ਭੇਜਣ ਵਾਲਿਆਂ ਨਾਲ ਕਈ ਵਾਰੀ ਆਜੜੀ ਵਾਲੀ ਹੁੰਦੀ ਹੈ ਤੇ ਅੱਗੇ ਤੋਂ ਵੀ ਕੋਈ ਇਨ੍ਹਾਂ ’ਤੇ ਇਤਬਾਰ ਨਹੀਂ ਕਰਦਾ। ਇੰਟਰਨੈੱਟ ਬਣਿਆ ਤਾਂ ਚੰਗੇ ਵਾਸਤੇ ਹੈ , ਅਸੀਂ ਇਸ ਦੀ ਸੁਚੱਜੀ ਵਰਤੋਂ ਕਰੀਏ, ਨਾ ਕਿ ਕਿਸੇ ਨਾਲ ਮਜ਼ਾਕ ਜਾਂ ਗਲਤ ਮੈਸੇਜ ਕਰੀਏ। ਵਟਸਐਪ ਦੀ ਵਰਤੋਂ ਕਰਨਾ ਗਲਤ ਨਹੀਂ ਹੈ। ਕਿਸੇ ਨੂੰ ਕੁਝ ਭੇਜਣ ਤੋਂ ਪਹਿਲਾਂ ਸੌ ਵਾਰ ਸੋਚ ਲਵੋ ਕਿਉਂਕਿ ਤੁਹਾਡੇ ਵੱਲੋਂ ਭੇਜਿਆ ਜਾਂਦਾ ਮੈਸੇਜ ਕੁਝ ਕੁ ਮਿੰਟਾਂ ’ਚ ਹਜ਼ਾਰਾਂ ਕੋਲ ਪਹੁੰਚ ਜਾਂਦਾ ਹੈ ।
ਅਜਿਹਾ ਹੀ ਇੱਕ ਹੋਰ ਘਟੀਆ ਮਜ਼ਾਕ ਮੇਰੇ ਇੱਕ ਦੋਸਤ ਨੇ ਵੀ ਕੀਤਾ ਸੀ । ਉਸ ਨੇ ਦੱਸਿਆ ਕਿ ਮੇਰਾ ਕੋਈ ਨਜ਼ਦੀਕੀ ਦੋਸਤ ਸਵਰਗਵਾਸ ਹੋ ਗਿਆ, ਸੋ ਭੋਗ ’ਤੇ ਆ ਜਾਣਾ , ਪਹਿਲਾਂ ਤਾਂ ਮੈਂ ਵੀ ਹੈਰਾਨ ਹੋ ਗਿਆ ਕਿ ਅਜਿਹਾ ਕਿਵੇਂ ਹੋ ਗਿਆ। ਅਜੇ ਕੱਲ੍ਹ ਹੀ ਤਾਂ ਮੈਂ ਉਸ ਨਾਲ ਗੱਲ ਕੀਤੀ ਹੈ ।

ਬੜੀ ਟੈਂਸ਼ਨ ਤੇ ਦੁੱਖ ਹੋਇਆ। ਭੰਬਲਭੂਸੇ ’ਚ ਪਏ ਨੂੰ ਸਮਝ ਨਹੀਂ ਆ ਰਿਹਾ ਸੀ ਕਿ ਕੀ ਕੀਤਾ ਜਾਵੇ , ਕੀ ਨਾ ? ਆਖਿਰ ਜਾਣਾ ਤਾਂ ਸਭ ਨੇ ਹੈ ,ਇਹ ਸੋਚ ਕੇ ਉਸ ਮੈਸੇਜ ’ਤੇ ਯਕੀਨ ਹੋਣ ਲੱਗਿਆ । ਕਿਸੇ ਦੋਸਤ ਤੋਂ ਉਸ ਬਾਰੇ ਪਤਾ ਕਰਨ ਦਾ ਸੋਚਿਆ ।ਕਈ ਦੋਸਤਾਂ ਤੋਂ ਪਤਾ ਕਰਨ ’ਤੇ ਪਤਾ ਲੱਗਿਆ ਕਿ ਇਹ ਗੱਲ ਝੂਠੀ ਸੀ, ਦੋਸਤ ਨੇ ਮੇਰੇ ਨਾਲ ਮਜ਼ਾਕ ਕੀਤਾ ਸੀ। ਉਸ ਲਈ ਤਾਂ ਇਹ ਮਜ਼ਾਕ ਸੀ ਪਰ ਉਸ ਦੇ ਇਸ ਮਜ਼ਾਕ ਕਾਰਨ ਮੈਨੂੰ ਭਾਵਨਾਤਮਿਕ ਤੌਰ ’ਤੇ ਬੜੀ ਨਿਰਾਸ਼ਾ ਦਾ ਸਾਹਮਣਾ ਕਰਨਾ ਪਿਆ। ਤੁਹਾਡੇ ਵੱਲੋਂ ਕੀਤਾ ਗਿਆ ਗਲਤ ਮੈਸੇਜ ਕਈ ਵਾਰ ਪਰਿਵਾਰਾਂ ’ਚ ਦਰਾੜਾਂ ਪਾ ਸਕਦੈ, ਆਪਸੀ ਰਿਸ਼ਤੇ ਵੀ ਤੁੜਵਾ ਸਕਦੈ । ਵਟਸਐਪ ਸਾਡੀ ਸਹੂਲਤ ਲਈ ਹੈ, ਬਸ ਲੋੜ ਹੈ ਤਾਂ ਸਿਰਫ ਇਸ ਦੀ ਸਹੀ ਵਰਤੋਂ ਕਰਨ ਦੀ।

ਸੰਪਰਕ: +91 85699 11132

Comments

balkar singh

sachi gall likhi a y g

RAMAN KUMAR

technology di vrto smjdari nal karn wala hi smjdar hunda y

Aanmol sharma sangrur

sedh den wala g

gurlabh singh

y g pammi bai de pind de ho tusi. jakhepal ta ona da pind wa. sunya wa naam ih

neha chopra

mere naal v mazak kita si kise ne brother

harpreet singh

ih lekh sach kahoon ch vi lgya si y.pdya si

dr.harpreet kaur ruby

mazak bhi hisab sir da sohna lagda beta

ikbal sandhu

y photo ni lai tusi

kuldeep khokher

sohna veere.

priyanka bansal

nice about social media

dilbag virk

sedh den wala wa

sarbjeet

number ni lgda y tuhada. try krya c. vdhia likhya . good think

bittu jakhepal , sangrur

thanks .........so much ........ all readers ..... bittu jakhepal , sangrur ---085699-11132

Parkash Malhar 094668-18545

najara aa giya koke la te patandra

harpal kaur

nice veer

manjeet tiwana

good y g

gulzar goria

i like it

bittu jakhepl

sarya da kalam noo pyar isse tra mildha rahe..... thanks --ji all Readers.... bittu jakhepal --sangrur ....085699-11132

amrit jethuke

bahut vadhiya y g.

tilak raj sharma

bahut badhia bittu ji

Pardeep Sharma

Excellent

satnam singh

y g Bahut wadia likheya,,

sharma

Sahi gal likhi a y Eho je msg bahut forward hunde ne. Eho je galat msg create karn wale te karwai honi chahi di aa