ਕਾਰਪੋਰੇਟਵਾਦ – ਗੁਰਮੇਲ ਬੀਰੋਕੇ

ਨਾਨਕ ਦਾ ਮਿੱਤਰ ਲਾਲੋ
ਸਖਤ ਮਿਹਨਤ ਕਰੇ
ਫਿਰ ਵੀ ਭੁੱਖਾ ਮਰੇ,
ਮਲਕ ਭਾਗੋ ਵਿਹਲੜ
ਖਾਵਣ ਇੱਥੇ ਚੂਰੀਆਂ ।

ਦੁਨੀਆਂ ਸੁੱਖਾਂ ਦਾ ਹੈ ਘਰ
ਸਰਮਾਏਦਾਰ ਲੋਕਾਂ ਰਲਕੇ
ਮਿਹਨਤੀ ਲੋਕਾਂ ਲਈ
ਪੈਦਾ ਕਰੀਆਂ ਮਜਬੂਰੀਆਂ ।

ਜਮਾਂਖੋਰੀ, ਰਿਸ਼ਵਤਖੋਰੀ, ਮਿਲਾਵਟਾਂ
ਜ਼ਹਿਰ ਘੁਲਿਆ ਦੁੱਧ ਦੇਵੇ
ਪਿਆਰੀ ਬੱਕਰੀ ਗਾਂਧੀ ਦੀ

ਰਾਜਧਾਨੀ ਦੀਆਂ ਮੱਝਾਂ ਬੂਰੀਆਂ ।
ਬਾਂਹ ਉੱਤੇ ਖੁਣਵਾਇਆ
ਨਾਮਾ ਮਿੱਤਰ ਪਿਆਰੇ ਦਾ
ਮਿੱਟ ਗਿਆ ਏ
ਘਸ ਘਸ ਕੇ
ਕਰ ਕਰ ਮਜਦੂਰੀਆਂ
ਕਰ ਕਰ ਮਜਦੂਰੀਆਂ ।