ਪੁਸਤਕ: ਭੌਰੇ ਦੀਆਂ ਗੁੱਝੀਆਂ ਰਮਜਾਂ

ਲੇਖਕ: ਐੱਸ.ਅਸ਼ੋਕ ਭੌਰਾ
ਪ੍ਰਕਾਸ਼ਕ: ਸਾਹਿਬਦੀਪ ਪਬਲੀਕੇਸ਼ਨ ਭੀਖੀ, ਮਾਨਸਾ ,
ਪੰਨੇ:128, ਮੁੱਲ:150 /-

ਐੱਸ ਅਸ਼ੋਕ ਭੌਰਾ ਸਾਹਿਤ ਦਾ ਕਲ ਕਲ ਕਰਕੇ ਵਗਣ ਵਾਲਾ ਚਸ਼ਮਾ ਹੈ।ਇਸ ਚਸ਼ਮੇ ਵਿਚੋਂ ਸੁਰਮਈ ਸੰਗੀਤ ਉਪਜ ਰਿਹਾ ਹੈ।ਜਿਸਦੀ ਚਰਚਾ ਦੁਨੀਆ ਦੇ ਹਰ ਕੋਨੇ ਵਿਚ ਹੋ ਰਹੀ ਹੈ।ਇਕ ਦਰਜਨ ਦੇ ਕਰੀਬ ਵੱਡ ਅਕਾਰੀ ਵਾਰਤਕ ਪੁਸਤਕਾਂ ਦੇ ਸਿਰਜਣਹਾਰੇ ਦੀ ਇਹ ਕਾਵਿ ਪੁਸਤਕ ‘ਭੌਰੇ ਦੀਆਂ ਗੁਝੀਆ ਰਮਜਾਂ’ ਅਸਲ ਵਿਚ ਕਾਵਿ ਵਿਅੰਗ ਹਨ।ਬਾਰਾਂ ਚੌਦਾਂ ਸਤ੍ਹਰਾਂ ਵਿਚ ਹੀ ਉਹ ਆਪਣੀ ਗੱਲ ਨੂੰ ਸਮੇਟਦਾ ਹੋਇਆ ਪਾਠਕ ਦੇ ਮਨ ਨੂੰ ਹਲੂਣਾ ਮਾਰ ਕੇ ਜਗਾ ਜਾਂਦਾ ਹੈ।ਉਸ ਕੋਲ ਸ਼ਬਦਾਂ ਦਾ ਵਿਸ਼ਾਲ ਭੰਡਾਰ ਹੈ।ਆਪਣੀ ਗਲ ਕਹਿਣ ਲਈ ਉਹ ਇਕ ਸੁਨਿਆਰੇ ਵਾਂਗ ਆਪਣੀ ਪਾਰਖੂ ਨਜ਼ਰ ਨਾਲ ਸ਼ਬਦ ਨੂੰ ਜੜਦਾ ਹੈ।ਉਸਦਾ ਜੁੜਿਆ ਸ਼ਬਦ ਕੱਢ ਕੇ ਜਾਂ ਬਦਲ ਕੇ ਕੋਈ ਵੀ ਗੱਲ ਨਹੀਂ ਕਰ ਸਕਦਾ।ਉਹ ਵਾਰਤਕ ਦਾ ਮਾਹਿਰ ਸਿਰਜਕ ਤਾਂ ਹੈ ਹੀ ਪਰ ਇਸ ਪੁਸਤਕ ਨਾਲ ਉਸਨੇ ਕਾਵਿ ਜਗਤ ਵਿਚ ਵੀ ਆਪਣੀ ਨਿਵੇਕਲੀ ਕਾਵਿ ਸ਼ੈਲੀ ਦਾ ਝੰਡਾ ਗੱਡ ਦਿੱਤਾ ਹੈ।

‘ਭੌਰੇ ਦੀਆਂ ਗੁੱਝੀਆਂ ਰਮਜਾਂ’ਇਸ ਪੁਸਤਕ ਦੀ ਹਰ ਰਚਨਾ ਵਿਚ ਸਜੀਆਂ ਪਈਆਂ ਹਨ।ਜਿਵੇਂ ਪਾਠਕ ਹੋਰ ਅੱਗੇ ਪੜ੍ਹ੍ਹਦਾ ਜਾਂਦਾ ਹੈ ਤਾਂ ਉਸਨੂੰ ਕਾਵਿ ਰਸ ਪਿੱਛੇ ਨਹੀਂ ਹਟਣ ਦਿੰਦਾ।ਉਸਦੇ ਦਿਲ ਦਿਮਾਗ ਦੇ ਬੂਹੇ ਬਾਰੀਆਂ ਆਪਣੇ ਆਪ ਹੀ ਖੁੱਲ੍ਹਦੇ ਜਾਂਦੇ ਹਨ।ਇਸ ਪੁਸਤਕ ਵਿਚੋਂ ਭੌਰੇ ਦੇ ਨਿਵੇਕਲੇ ਕਾਵਿ ਅੰਦਾਜ ਦਾ ਗਿਆਨ ਹੁੰਦਾ ਹੈ।ਜੇ ਉਹ ਵਾਰਤਕ ਰਾਹੀਂ ਲੰਬੇ ਲੰਬੇ ਲੇਖ ਲਿਖਦਾ ਹੈ ਤਾਂ ਉਹ ਨਿੱਕੀ ਜਿਹੀ ਕਵਿਤਾ ਰਾਹੀਂ ਵੀ ਆਪਣੀ ਗੱਲ ਨੂੰ ਬਾਖੂਬੀ ਕਹਿਣ ਦੀ ਸਮਰੱਥਾ ਰੱਖਦਾ ਹੈ।

ਇਹਨਾਂ ਕਵਿਤਾਵਾਂ ਵਿਚੋਂ ਉਸਦੇ ਜੀਵਨ ਦੇ ਤਜ਼ਰਬੇ ਬੋਲਦੇ ਹਨ।ਦੁਨੀਆਂ ਦੇ 50 ਦੇਸ਼ਾਂ ਦੀ ਯਾਤਰਾ ਕਰਨ ਵਾਲਾ ਇਹ ਸ਼ਾਇਰ ਆਪਣੀ ਸ਼ਾਇਰੀ ਦੇ ਸਿਖਰ ਵੱਲ ਨੂੰ ਵਧਦਾ ਪ੍ਰਤੀਤ ਹੁੰਦਾ ਹੈ।ਇਹਨਾਂ ਕਾਵਿ ਵੰਨਗੀਆਂ ਰਾਹੀਂ ਉਹ ਸਮਾਜ ਦੀ ਦੁਖਦੀ ਰਗ ਨੂੰ ਫੜਨ ਵਿਚ ਸਫਲ ਹੋਇਆ ਹੈ।

ਸਮਾਜ ਸਿੱਖਿਆ ਧਰਮ ਰਾਜਨੀਤੀ ਰੁਮਾਂਸ ਜੁਆਨੀ ਨਸ਼ੇ ਛੜੇ ਜਗਤ ਤਮਾਸ਼ਾਂ ਮਾਡਰਨ ਮਾਹੀਆ ਗਿੱਧਾ ਗੱਲ ਕੀ ਜੀਵਨ ਦੇ ਹਰ ਪਹਿਲੂ ਬਾਰੇ ਵਿਅੰਗ ਬਾਣ ਛੱਡਿਆ ਹੈ।ਉਸਦੀ ਕਵਿਤਾ ਦੀ ਹਰ ਤੁਕ ਵਿਚ ਇਕ ਨਰੋਆ ਸੰਦੇਸ਼ ਹੈ।ਸੰਦੇਸ਼ ਵੀ ਇਸ ਤਰੀਕੇ ਨਾਲ ਦਿੱਤਾ ਗਿਆ ਹੈ ਕਿ ਇਸ਼ਾਰਿਆ ਨਾਲ ਹੀ ਸਭ ਗਲ ਸਮਝਾ ਦਿੱਤੀ ਗਈ ਹੈ।ਅਜੋਕੇ ਸਮੇਂ ਵਿਚ ਆ ਰਹੀਆਂ ਤਬਦੀਲੀਆਂ ਦੇ ਦੁੱਖ ਦਰਦ ਵੀ ਬਿਆਨੇ ਗਏ ਹਨ।ਰਿੱਸ਼ਤਿਆਂ ਦੀ ਬੇਕਦਰੀ ਬਾਰੇ ਤਾਂ ਬਾ-ਕਮਾਲ ਕਵਿਤਾਵਾਂ ਲਿਖੀਆਂ ਗਈਆਂ ਹਨ।ਰਾਜਸੀ ਮਸਲਿਆਂ ਦਾ ਵਿਸ਼ਲੇਸ਼ਣ ਵੀ ਆਪਣੇ ਕਲਾਤਮਿਕ ਨਜ਼ਰੀਏ ਨਾਲ ਕੀਤਾ ਹੈ।ਇੰਜ ਇਸ ਪੁਸਤਕ ਰਾਹੀਂ ਸ਼ਾਇਰ ਆਪਣੀ ਕਲਮ ਦੀ ਨੋਕ ਨੂੰ ਹੋਰ ਤਿੱਖ ਕਰਦਾ ਹੋਇਆ ਸ਼ੁਹਰਤ ਦੀ ਟੀਸੀ ਵੱਲ ਵਧਿਆ ਹੈ।ਉਸ ਕੋਲ ਹਰ ਔਖੀ ਤੇ ਪੇਚੀਦਾ ਗੱਲ ਨੂੰ ਸਧਾਰਣ ਸ਼ਬਦਾਂ ਰਾਹੀਂ ਕਹਿਣ ਦੀ ਕਲਾ ਹੈ।ਉਸਦੀ ਗੱਲ ਭਾਵੇਂ ਕਿਸੇ ਦੇ ਗਿੱਟੇ ਲੱਗੇ ਜਾਂ ਗੋਡੇ ਪਰ ਸਭ ਵਡਿਆਈ ਕਰਦੇ ਹਨ।ਇਕ ਕਵਿਤਾ ਦਾ ਜਗਤ ਤਮਾਸ਼ਾ ਦੀਆਂ ਕੁੱਝ ਸਤ੍ਹਰਾਂ ਵੇਖਦੇ ਹਾਂ: