ਬੇਦੀ ਅਤੇ ਮੋਦੀ – ਹਰਜਿੰਦਰ ਸਿੰਘ ਗੁਲਪੁਰ

ਜਿਹੜੇ ਦੇਸ਼ ਵਿਚ ਪੈਟਰੌਲ ਤੱਕ ਜੰਮ ਜਾਂਦਾ,
ਅੱਗ ਉਥੇ ਲੱਗ ਜਾਂਦੀ ਠੰਡੇ ਠੰਡੇ ਪਾਣੀਆਂ ਨੂੰ 

ਪੇੰਟ ਜਿਵੇਂ ਕਰੀਦਾ ਹੈ ਜੰਗ ਲੱਗੇ ਲੋਹੇ ਉੱਤੇ,
ਪੇੰਟ ਉਵੇੰ ਕਰੀਦਾ ਹੈ ਵੇਦਾਂ ਦੀਆਂ ਕਹਾਣੀਆਂ ਨੂੰ 

ਰਾਜਧਾਨੀ ਵਿਚ ਅਜੇ ਤੱਕ ਰੇਪ ਹੋਈ ਜਾਂਦੇ,
ਇੱਕੋ ਆਸ ਆਪ ਤੇ ਹੈ ਸਾਰੀਆਂ ਸੁਆਣੀਆਂ ਨੂੰ 

ਵਿਹੜਿਆਂ ਨੂੰ ਸਾਫ਼ ਕਰੋ ਝਾੜੂਆਂ ਨੂੰ ਹਥ ਲੈ ਕੇ,
ਲੈ ਕੇ ਹੁਣ ਬੈਠਿਓ ਨਾ ਗੱਲਾਂ ਲਈ ਢਾਣੀਆਂ ਨੂੰ 

ਹੁਣ ਤਾਂ ਕਨੂੰਨ ਨਾਲ ਘਣ ਬਚਾ ਪੀੜ ਦਿੰਦੇ,
ਭੁੱਲ ਜਾਵੋ ਲੋਕੋ ਹੁਣ ਕੋਹਲੂ ਦੀਆਂ ਘਾਣੀਆਂ ਨੂੰ

ਬੇਦੀ ਅਤੇ ਮੋਦੀ ਵਿਚ ਰਿਹਾ ਨਾ ਫਰਕ ਕੋਈ,
ਪਤਾ ਹੁਣ ਲੱਗ ਗਿਆ ਸਾਰੇ ਹੀ ਪ੍ਰਾਣੀਆਂ ਨੂੰ