ਮੈਂ ਗੀਤਾਂ ਦੇ ਸ਼ਿਖ਼ਰੇ ਨੂੰ ਚੜ੍ਹ ਕੇ ਮਰਾਂਗਾ
ਮੈਂ ਲਫ਼ਜ਼ਾਂ ਦੇ ਸ਼ਿਕਰੇ ਨੂੰ ਫੜ੍ਹ ਕੇ ਮਰਾਂਗਾ
ਮੈਂ ਪੜ੍ਹਨਾ ਹੈ ਕੁਦਰਤ ਨੂੰ ਇਕ ਵੈਦ ਵਾਂਗੂੰ
ਮੈਂ ਨਬਜ਼ਾਂ ਦੇ ਖ਼ਤਰੇ ਨੂੰ ਪੜ੍ਹ ਕੇ ਮਰਾਂਗਾ
ਮੈਂ ਬਹਿਰਾਂ ਦੀ ਭਠੜੀ ਦੇ ਵਿਚ ਤਪ ਕਰਾਂਗਾ
ਮੈਂ ਗ਼ਜ਼ਲਾਂ ਦੇ ਕਤਰੇ ਨੂੰ ਕੜ੍ਹ ਕੇ ਮਰਾਂਗਾ
ਮੈਂ ਘਿਸਣਾਂ ਹੈ ਕਵਿਤਾ ਦੇ ਰਸ ਦੀ ਕਸੋਟੀ
ਮੈਂ ਬਜ਼ਮਾਂ ਦੇ ਪਥਰੇ ਨੂੰ ਘੜ੍ਹ ਕੇ ਮਰਾਂਗਾ
ਮੈਂ ਬਣ ਕੇ ਨਜੂਮੀ ਈਬਾਦਤ ਕਰਾਂਗਾ
ਮੈਂ ਨਜ਼ਮਾਂ ਦੇ ਪਤਰੇ ਨੂੰ ਪੜ੍ਹ ਕੇ ਮਰਾਂਗਾ
ਮੈਂ ਸਿੱਖਣਾ ਹੈ ਅੱਖਰਾਂ ਨੂੰ ਬਣ ਕੇ ਫਕੀਰੀ
ਮੈਂ ਪੱਥਰਾਂ ‘ਤੇ ਉਕਰੇ ਨੂੰ ਫੜ੍ਹ ਕੇ ਤਰਾਂਗਾ
ਮੈਂ ਇਸ ਦਿਲ ਦੀ ਹਸਰਤ ਨੂੰ ਪੁਸਤਕ ‘ਚ ਪਾ ਕੇ
ਮੈਂ ਬੱਦਲਾਂ ਦੇ ਛਤਰੇ ਨੂੰ ਹੜ੍ਹ ਕੇ ਮਰਾਂਗਾ
ਸੰਪਰਕ +91 94184 70707
