ਕਦੇ ਵਿਸਾਖੀ – ਗੁਰਪ੍ਰੀਤ ਸਿੰਘ ਰੰਗੀਲਪੁਰ

ਅੱਜ ਵਿਸਾਖੀ ਆਉਂਦੀ ਹੈ,
ਕੋਈ ਪੱਕੀ ਫਸਲ ਦਾ ਚਾਅ ਹੀ ਨਾ।
ਸਮੇਂ ਤੇ ਕੋਈ ਖਰੀਦਦਾ ਨਹੀਂ,
ਵਾਜ਼ਬ ਮਿਲਦਾ ਭਾਅ ਹੀ ਨਾ।

ਅਸਰ ਰਿਹਾ ਨਾ ਖਾਦਾਂ ਵਿੱਚ,
ਨਕਲੀ ਦਵਾਈਆਂ ਆ ਗਈਆਂ।
ਕਿਸਾਨਾਂ, ਖੇਤ-ਮਜ਼ਦੂਰਾਂ ਨੂੰ,
ਕਰਜ਼ੇ ਦੀਆਂ ਕਿਸ਼ਤਾਂ ਖਾ ਗਈਆਂ। ।

ਕਦੇ ਸੋਕਾ ਪਏ, ਕਦੇ ਹੜ ਜਾਏ,
ਕੁਦਰਤ ਦੀ ਸਦਾ ਹੀ ਮਾਰ ਪਏ।
ਹੋਰਾਂ ਦੇ ਅਰਬਾਂ ਮੁਆਫ ਕਰੇ,
ਸਰਕਾਰ ਨਾ ਇਨ੍ਹਾਂ ਦੀ ਸਾਰ ਲਏ।

ਕਿਸਾਨਾਂ, ਖੇਤ-ਮਜ਼ਦੂਰਾਂ ਨੂੰ,
ਜੱਥੇਬੰਦ ਕਰ ਸੰਘਰਸ਼ ਮਘਾਵਾਂਗੇ।
ਜਦੋਂ ਏਕੇ ਨਾਲ ਜਿੱਤ ਕੇ ਹੱਕ ਮਿਲਗੇ,
ਉਦੋਂ ਵਿਸਾਖੀ ਦੀ ਖੁਸ਼ੀ ਮਨਾਵਾਂਗੇ।