ਲੋਕਾ ਵੇ ਉਹਨੂੰ ਦਰਦ ਨਾ ਆਵੇ।
ਨਿਹੱਥਿਆਂ ਉੱਤੇ ਡਾਂਗ ਵਰ੍ਹਾਵੇ ।
ਗੁੰਡਾ ਗਰਦੀ ,ਨਸ਼ਿਆਂ ਦਾ ਹੜ੍ਹ ,
ਰਜ਼ਾ ਉਹਦੀ ਵਿੱਚ ਵਧਦਾ ਜਾਵੇ ।
ਬੁਨਿਆਦੀ ਹੱਕ ਵੀ ਖੋਹੀ ਜਾਂਦਾ,
ਕੈਲੇਫ਼ੋਰਨੀਆ ਦੇ ਖਾਬ ਦਿਖਾਵੇ ।
ਲਾਰਿਆਂ ਦੇ ਵਿੱਚ ਲਾ ਕੇ ਰੱਖੇ ,
ਕਿਸੇ ਗੱਲ ਦੇ ਸਿਰੇ ਨਾ ਆਵੇ ।
ਨੰਨੀਆਂ ਛਾਂਵਾ ,ਬਾਬੇ ,ਗੱਭਰੂ ,
ਹਰ ਕੋਈ ਇੱਥੇ ਧਰਨੇ ਲਾਵੇ ।
ਮੁੱਛਾਂ ਦੇ ਵਿੱਚ ਹੱਸੇ ਮੀਸਣਾ ,
ਮਗਰਮੱਛ ਦੇ ਹੰਝੂ ਵਹਾਵੇ।
ਰਾਜ ਨਹੀਂ ਸੇਵਾ ਦਾ ਨਾਹਰਾ,
ਸਭ ਨੂੰ ਆਪਣਾ ਰੰਗ ਵਖਾਵੇ।
ਜਾਗ ਪੈਂਦੇ ਜਦ ਲੋਕੀਂ ਰੌਂਤੇ,
ਬਾਬਰ ਨਾ ਫਿਰ ਲੱਭਿਆ ਥਿਆਵੇ।
ਸੰਪਰਕ: +91 98764 86187
