ਦੀਪਕ ਦੀ ਲੋਅ ਮਾਹੀਆ ।
ਜਦੋਂ ਦੀ ਤੂੰ ਅੱਖ ਬਦਲੀ , ਸਾਡਾ ਹੌਕਿਆਂ ਦਾ ਢੋਅ ਮਾਹੀਆ ।
ਜਦੋਂ ਦੀ ਤੂੰ ਅੱਖ ਬਦਲੀ , ਸਾਡਾ ਹੌਕਿਆਂ ਦਾ ਢੋਅ ਮਾਹੀਆ ।
ਦੋ ਪੱਤਰ ਅਨਾਰਾਂ ਦੇ ।
ਡਾਲਰਾਂ ਨੇ ਤੈਨੂੰ ਮੋਹ ਲਿਆ , ਚੇਤੇ ਭੁੱਲ ਗਏ ਕਰਾਰਾਂ ਦੇ ।
ਪਾਣੀ ਖੂਹ ਉੱਤੇ ਭਰਦੇ ਹਾਂ ।
ਚੰਨ ਪਰਦੇਸੀਆ ਵੇ , ਅਸੀਂ ਤੇਰੇ ਉੱਤੇ ਮਰਦੇ ਹਾਂ ।
ਪਰਦੇਸੀ ਮੁੜਿਆ ਨਾ ।
ਟੁੱਟਿਆ ਤੜੱਕ ਕਰਕੇ , ਦਿਲ ਮੁੜ ਕੇ ਜੁੜਿਆ ਨਾ ।
ਲੱਭਾਂ ਪੈੜ੍ਹਾਂ ਢੋਲ ਦੀਆਂ ।
ਤੇਰੀਆਂ ਯਾਦਾਂ ਹਾਣੀਆਂ , ਮੈਨੂੰ ਰਾਹਵਾਂ ਵਿੱਚ ਰੋਲ ਦੀਆਂ ।
ਥਾਲੀ ਵਿੱਚ ਖੰਡ ਮਾਹੀਆ ।
ਦਮਾ ਦਿਆ ਵੈਰੀਆ ਵੇ , ਕੀਤੀ ਸਾਡੇ ਕੋਲੋ ਕੰਡ ਮਾਹੀਆ ।
ਖੈ਼ਰ ਵਤਨ ਦੀ ਮੰਗਦੇ ਹਾਂ ।
ਦਰਦ ਵਿਗੋਚੇ ਨੂੰ , ਅਸੀਂ ਅੱਖ਼ਰਾਂ ਚ’ ਰੰਗਦੇ ਹਾਂ ।
ਦਰਦ ਵਿਗੋਚੇ ਨੂੰ , ਅਸੀਂ ਅੱਖ਼ਰਾਂ ਚ’ ਰੰਗਦੇ ਹਾਂ ।
ਮੇਰੇ ਨੈਣ ਪਿਆਸੇ ਨੇ ।
ਸੱਜਣਾ ਦੀਦਾਰ ਦੇ ਜਾ , ਮੇਰੇ ਹੰਝੂਆਂ ‘ਚ ਵਾਸੇ ਨੇ ।
ਕੋਈ ਚਲਦਾ ਖੂਹ ਮਾਹੀਆ ।
ਮੁੜ ਆ ਵਤਨਾ ਨੂੰ , ਸੁੰਝੀ ਪਿੰਡ ਦੀ ਜੂਹ ਮਾਹੀਆ ।
ਪਰਦੇਸੀ ਰੁਲਦਾ ਏ ।
ਦੇਸ਼ ਬੇਗਾਨੇ ਵਿੱਚ , ਕੋਈ ਕੰਮ ਨਾਲ ਘੁਲਦਾ ਏ ।
ਚੰਬਾ ਵਿਹੜ੍ਹੇ ਵਿੱਚ ਲਾਉਂਦੇ ਹਾਂ ।
ਦਿਲ ਦਰਿਆ ਲਿਖ਼ ਕੇ , ਹੰਝੂ ਅਰਗ ਚੜਾਉਂਦੇ ਹਾਂ ।
ਅਸਾਂ ਦਰਦ ਸੁਣਾਇਆ ਏ ।
ਬੇਕਦਰਿਆ ਲੋਕਾਂ ਲਈ , ਹਾਏ, ਚੈਨ ਗੁਆਇਆ ਏ ।
