ਕਰਾਟੇ ਗੋਲਡ ਮੈਡਲਿਸਟ ਗ਼ਜ਼ਲ ਸੈਣੀ ਦੀ 26 ਅਗਸਤ, 2013 ਨੂੰ ਅਚਾਨਕ ਮੌਤ ’ਤੇ )
ਲਾਡ-ਲਡਿੱਕੀ ਗ਼ਜ਼ਲ ਪਿਆਰੀ ।
ਸੁਹਲ ਫ਼ੁੱਲਾਂ ਭਰੀ ਕਿਆਰੀ ।
ਤਿੱਤਲੀਆਂ ਨੇ ਝੁਰਮਟ ਪਾਇਆ
ਪਰੀਆਂ ਤੋਂ ਵੀ ਲਗੇ ਨਿਆਰੀ ।
ਗੱਗਾ ਜ਼ਿਜ਼ਾ ਲੱਲਾ ਅੱਖ਼ਰ
ਨਾ ਹੋੜਾ, ਨਾ ਸਿਹਾਰੀ ਬਿਹਾਰੀ ।
ਉੱਚੀਆਂ-ਸੁੱਚੀਆਂ ਸੋਚਾਂ ਵਾਲੀ
ਰੱਬ ਨੇ ਉਸਦੀ ਰੂਹ ਨਿਖ਼ਾਰੀ ।
ਗੰਦਲ ਵਰਗੀ ਲਗਰ ਜਿਹੀ
ਜਿਉਂ ਮਾਸਾਹਾਰੀ- ਸ਼ਾਕਾਹਾਰੀ ।
ਨੱਚਣ ਕੁੱਦਣ ਉਸਦੇ ਚਾਅ
ਜਿੱਤ ਕੇ ਆਵੇ ਕਦੇ ਨਾ ਹਾਰੀ ।
ਉਡਣੇਂ ਸੱਪ ਦੇ ਵਾਂਗਰ ਉਡਦੀ
ਹਰ ਥਾਂ ਜਾਏ ਮੱਲਾਂ ਮਾਰੀ ।
ਘਰ ਦਾ ਬਣਿਆਂ ਖਾਣਾ ਖਾਵੇ
ਖਾਵੇ ਨਾ ਕੋਈ ਚੀਜ਼ ਬਜ਼ਾਰੀ ।
ਖਾਵੇ ਨਾ ਕੋਈ ਚੀਜ਼ ਬਜ਼ਾਰੀ ।
ਚਾਅ ਪੜ੍ਹਨ ਦਾ ਐਸਾ ਚੜ੍ਹਿਆ
ਨੰਬਰਾਂ ਦੀ ਭਰ ਲਏ ਪਟਾਰੀ ।
ਸੋਨ ਤਮਗੇ ਜਿੱਤਣ ਵਾਲੀ
ਸਾਡੀ ਸੀ ਉਹ ਗ਼ਜ਼ਲ ਵਿਚਾਰੀ ।
ਮਾਂ ਪਿਉ ਦੀ ਮਾਣਮਤੀ ਸੀ
ਦਾਦੇ ਜੀ ਦੀ ਰਾਜ ਦੁਲਾਰੀ ।
ਬਿਜਲੀ ਵਾਂਗਰ ਫ਼ੁਰਤੀ ਉਹਦੀ
ਘਰ ਅਪਣੇ ਦੀ ਚੜ੍ਹੀ ਖ਼ੁਮਾਰੀ ।
ਛੋਟੀ ਉਮਰ ਸੀ ਲੰਮਾਂ ਪੈਂਡਾ
ਸ਼ਫ਼ਰ ਉਸ ਦਾ ਰਹਿੰਦਾ ਜਾਰੀ ।
ਵਿਹੜਾ ਖ਼ੁਸ਼ੀਆਂ ਭਰਿਆ ਹੁੰਦਾ
ਚਾਵਾਂ ਦੇ ਵਿਚ ਰਹੇ ਸ਼ਿੰਗਾਰੀ ।
ਅੱਧ-ਖ਼ਿੜਿਆ ਫ਼ੁੱਲ ਟੁੱਟਾ ਡਾ੍ਹਲੋਂ
ਝੱਟ ‘ਚ ਉਹਦੀ ਹੋਈ ਤਿਆਰੀ ।
ਮੌਤ ਕੁਲਹਿਣੀਂ ਐਸੀ ਆਈ
ਖੋਹ ਕੇ ਲੈ ਗਈ ਮਾਰ ਉਡਾਰੀ ।
ਸੰਪਰਕ: +91 98728 48610
