ਬੁੱਧੀਜੀਵੀਆਂ ਖਿਲਾਫ ਦੇਸ਼ ਧ੍ਰੋਹ ਦੇ ਝੂਠੇ ਦੋਸ਼ਾਂ ਵਿਰੁੱਧ ਜਨਤਕ ਭੁੱਖ ਹੜਤਾਲ

Posted on:- 14-04-2020

ਦੇਸ਼ ਪੱਧਰੇ ਕੁਲ ਹਿੰਦ ਸਿੱਖਿਆ ਅਧਿਕਾਰ ਮੰਚ ਦੇ ਸੱਦੇ ’ਤੇ ਅੱਜ ਸੂਬੇ ਭਰ ਵਿੱਚ ਵੱਖ ਵੱਖ ਜਨਤਕ ਜਮਹੂਰੀ ਜਥੇਬੰਦੀਆਂ ਦੇ ਵਰਕਰਾਂ ਨੇ ਆਪਣੇ ਘਰਾਂ ’ਚ ਇੱਕ ਰੋਜ਼ਾ ਹੜਤਾਲ ਰੱਖੀ। ਇਸ ਮਹਾਂਮਾਰੀ ਦੀ ਹਾਲਤ ’ਚ ਜਦੋਂ ਬਾਹਰ ਨਿਕਲਣਾ ਜਾਨ ਲੇਵਾ ਹੈ, ਅਜਿਹੇ ਸਮੇਂ ਸੈਂਕੜੇ ਵਰਕਰਾਂ ਨੇ ਇਸ ਰੋਸ ਐਕਸ਼ਨ ਵਿੱਚ ਭਾਗ ਲਿਆ। ਸਵੇਰੇ 7 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਰੱਖੀ ਇੱਕ ਰੋਜ਼ਾ ਹੜਤਾਲ ਰਾਹੀਂ ਸੁਪਰੀਮ ਕੋਰਟ ਵੱਲੋਂ ਅੱਜ ਪ੍ਰਸਿੱਧ ਬੁਧੀਜੀਵੀਆਂ ਦਲਿਤ ਚਿੰਤਕ, ਸਿੱਖਿਆ ਸ਼ਾਸਤਰੀ ਪ੍ਰੋ ਅਨੰਦ ਤੇਲਤੁੰਬੜੇ ਅਤੇ ਜਮਹੂਰੀ ਹੱਕਾਂ ਦੇ ਨਵੇਂ ਪੁਰਾਣੇ ਕਾਰਕੁਨ, ਚਿੰਤਕ, ਲੇਖਕ ਗੌਤਮ ਨਵਲੱਖਾ ਨੂੰ ਕੋਰਟ ਵਿੱਚ ਪੇਸ਼ ਹੋਣ ਦੇ ਹੁਕਮ ਖਿਲਾਫ਼ ਰੋਸ ਪ੍ਰਗਟ ਕੀਤਾ ਗਿਆ।

ਦੇਸ਼ ਭਰ ’ਚ ਜਮਹੂਰੀ ਜਥੇਬੰਦੀਆਂ ਵੱਲੋਂ ਵਿਸ਼ਾਲ ਪੱਧਰ ’ਤੇ ਪ੍ਰਗਟਾਏ ਰੋਸ ਰਾਹੀਂ ਕਿਹਾ ਗਿਆ ਕਿ ਕਿ ਭੀਮਾ ਕੋਰੇਗਾਓਂ ਘਟਨਾ ਨਾਲ ਜੋੜ ਕੇ ਇਹਨਾਂ ਸ਼ਖਸ਼ੀਅਤਾਂ ਖਿਲਾਫ਼ ਦਰਜ ਕੀਤੇ ਦੇਸ਼ ਧ੍ਰੋਹ ਦੇ ਮੁਕੱਦਮੇ ਨੇ ਭਾਰਤੀ ਨਿਆਂ ਪਾਲਕਾ ਦਾ ਰਹਿੰਦਾ ਖੂੰਹਦਾ ਥੋਥ ਵੀ ਪੂਰੀ ਤਰ੍ਹਾਂ ਨੰਗਾ ਕਰ ਦਿੱਤਾ ਹੈ । ਉਨ੍ਹਾਂ ਕਿਹਾ ਕਿ ਮੋਦੀ ਦੀ ਫਾਸ਼ੀਵਾਦੀ ਹਕੂਮਤ ਵਿਰੋਧ ਦੀ ਹਰ ਆਵਾਜ਼ ਨੂੰ ਝੂਠੇ ਸੰਗੀਨ ਮਕੱਦਮਿਆਂ ’ਚ ਉਲਝਾਕੇ ਦੱਬਣ ਦੇ ਰਾਹ ਤੁਰੀ ਹੋਈ ਹੈ। ਇਸ ਤੋਂ ਪਹਿਲਾਂ ਵੀ ਦਰਜਨ ਦੇ ਕਰੀਬ ਲੋਕ ਪੱਖੀ ਵਿਦਵਾਨ ਅਤੇ ਜਮਹੂਰੀ ਕਾਰਕੁਨ ਦੋ ਸਾਲਾਂ ਤੋਂ ਗਿਣੀ ਮਿਥੀ ਸਾਜ਼ਿਸ਼ ਤਹਿਤ ਜੇਲ੍ਹਾਂ ’ਚ ਡੱਕੇ ਹੋਏ ਹਨ।

ਦਲਿਤ ਨੌਜਵਾਨ ਨੂੰ ਗੰਭੀਰ ਜ਼ਖ਼ਮੀ ਕਰਨ ਵਾਲੇ ਜਾਤੀਵਾਦੀ ਹਮਲਾਵਰਾਂ ਨੂੰ ਤੁਰੰਤ ਗ੍ਰਿਫਤਾਰ ਕੀਤਾ ਜਾਵੇ - ਮਜ਼ਦੂਰ ਮੁਕਤੀ ਮੋਰਚਾ

Posted on:- 10-04-2020

ਮਾਨਸਾ : ਮਜ਼ਦੂਰ ਮੁਕਤੀ ਮੋਰਚਾ ਪੰਜਾਬ ਨੇ ਜ਼ਿਲ੍ਹਾ ਮਾਨਸਾ ਦੇ ਐਸਐਸਪੀ ਤੋਂ ਮੰਗ ਕੀਤੀ ਹੈ ਕਿ ਕੁਝ ਦਿਨ ਪਹਿਲਾਂ ਜ਼ਿਲ੍ਹੇ ਦੇ ਪਿੰਡ ਬੀਰ ਖੁਰਦ ਵਿੱਚ ਇਕ ਦਲਿਤ ਨੌਜਵਾਨ ਨੂੰ ਮਾਮੂਲੀ ਗੱਲ ਬਦਲੇ ਬੁਰੀ ਤਰ੍ਹਾਂ ਜ਼ਖ਼ਮੀ ਤੇ ਜਾਤੀ ਤੌਰ'ਤੇ ਅਪਮਾਨਤ ਕਰਨ ਵਾਲੇ ਪਿੰਡ ਦੇ ਇਕ ਜ਼ਿਮੀਂਦਾਰ ਤੇ ਉਸ ਦੇ ਲੜਕੇ ਖਿਲਾਫ ਐਸ ਸੀ - ਐਸ ਕੀ ਵਧੀਕੀਆਂ ਰੋਕੂ ਐਕਟ ਤਹਿਤ ਕੇਸ ਦਰਜ ਕਰਕੇ ਦੋਸ਼ੀਆਂ ਨੂੰ ਤੁਰੰਤ ਗ੍ਰਿਫਤਾਰ ਕੀਤਾ ਜਾਵੇ।

ਇਸ ਮਾਮਲੇ ਬਾਰੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਮਜ਼ਦੂਰ ਮੁਕਤੀ ਮੋਰਚਾ ਪੰਜਾਬ ਦੇ ਸੂਬਾ ਪ੍ਰਧਾਨ ਅਤੇ ਸੀਪੀਆਈ (ਐਮਐਲ) ਲਿਬਰੇਸ਼ਨ ਦੇ ਸੀਨੀਅਰ ਆਗੂ ਕਾਮਰੇਡ ਭਗਵੰਤ ਸਿੰਘ ਸਮਾਓ ਨੇ ਦਸਿਆ ਕਿ ਕਰੋਨਾ ਦੀ ਮਹਾਂਮਾਰੀ ਦੇ ਸੰਕਟ ਸਮੇਂ ਅੱਜ ਜਿਥੇ ਸਮਾਜ ਦਾ ਵੱਡਾ ਹਿੱਸਾ ਜੀ-ਜਾਨ ਨਾਲ ਗਰੀਬ ਤੇ ਲੋੜਵੰਦ ਲੋਕਾਂ ਦੀ ਸੇਵਾ ਵਿੱਚ ਲੱਗਿਆ ਹੋਇਆ ਹੈ, ਉਥੇ ਅਜੇ ਵੀ ਕੁਝ ਜਾਤੀਵਾਦੀ ਪੇਂਡੂ ਧਨਾਡ ਦਲਿਤਾਂ ਗਰੀਬਾਂ ਪ੍ਰਤੀ ਪਹਿਲਾਂ ਵਾਂਗ ਹੀ ਘੋਰ ਜਾਤੀ ਨਫਰਤ ਵਿੱਚ ਗਲਤਾਨ ਹਨ। ਇਸ ਵਰਤਾਰੇ ਦੀ ਇੱਕ ਘਿਨਾਉਣੀ ਮਿਸਾਲ 6 ਅਪ੍ਰੈਲ ਨੂੰ ਜ਼ਿਲ੍ਹੇ ਦੇ ਪਿੰਡ ਬੀਰ ਖੁਰਦ ਵਿਖੇ ਸਾਹਮਣੇ ਆਈ। ਉਥੇ ਇਕ ਖਾਂਦੇ ਪੀਂਦੇ ਜ਼ਿਮੀਂਦਾਰ ਟੱਬਰ ਨੇ ਆਪਣੇ ਖੇਤ ਨੇੜਲੇ ਸੂਏ ਦੇ ਖਤਾਨਾਂ ਵਿੱਚ ਸਰਕਾਰੀ ਜ਼ਮੀਨ ਉੱਤੇ ਨਜਾਇਜ਼ ਕਬਜ਼ਾ ਕਰਕੇ ਗੰਢੇ ਲਾਏ ਹੋਏ ਹਨ।

ਹਕੂਮਤ ਡਾਕਟਰੀ ਅਮਲੇ ਪ੍ਰਤੀ ਆਪਣਾ ਜਾਬਰ ਰਵੱਈਆ ਬਦਲੇ

Posted on:- 10-04-2020

ਸਨਮਾਨਯੋਗ ਹਾਲਤ ਮੁਹੱਈਆ ਕਰਵਾਏ ਸਰਕਾਰ-ਇਨਕਲਾਬੀ ਕੇਂਦਰ

ਬਰਨਾਲਾ : ਚੀਨ ਦੇ ਵੂਹਾਨ ਸ਼ਹਿਰ ਤੋਂ ਸ਼ੁਰੂ ਹੋਏ ਕੋਰੋਨਾਵਾਇਰਸ ਦੀ ਮਹਾਂਮਾਰੀ ਨੇ ਸੰਸਾਰ ਭਰ ਨੂੰ ਆਪਣੇ ਕਲਾਵੇ ਵਿੱਚ ਲਿਆ ਹੋਇਆ ਹੈ। ਮੌਤਾਂ ਅਤੇ ਪ੍ਰਭਾਵਿਤ ਮਰੀਜ਼ਾਂ ਦਾ ਗ੍ਰਾਫ ਵਧਦਾ ਹੀ ਜਾ ਰਿਹਾ ਹੈ। ਸਾਡੇ ਮੁਲਕ ਅੰਦਰ ਵੀ ਪ੍ਰਭਾਵਿਤ ਮਰੀਜ਼ਾਂ ਦੀ ਗਿਣਤੀ ਪੰਜ ਹਜਾਰ ਤੋਂ ਟੱਪ ਚੁੱਕੀ ਹੈ। ਮੌਤਾਂ ਦਾ ਅੰਕੜਾ ਡੇਢ ਸੌ ਨੂੰ ਪਾਰ ਕਰ ਗਿਆ ਹੈ। ਕੋਰੋਨਾ ਵਾਇਰਸ ਨੇ ਹੁਣ ਆਪਣੀ ਦਸਤਕ ਸਭ ਤੋਂ ਗਰੀਬ ਤਬਕੇ ਮੁੰਬਈ ਦੀਆਂ ਝੋਂਪੜ ਬਸਤੀ ਵਿੱਚ ਦੇ ਦਿੱਤੀ ਹੈ। ਮੁਲਕ ਅੰਦਰ ਇਹ ਉਹ ਥਾਵਾਂ ਹਨ ਜਿੱਥੇ ਕਰੋੜਾਂ ਕਰੋੜ ਲੋਕ ਵਸਦੇ ਹਨ। ਇੱਥੇ ਜਿੰਦਗੀ ਦੀਆਂ ਹੋਰ ਬੁਨਿਆਦੀ ਲੋੜਾਂ ਸਮੇਤ ਮੈਡੀਕਲ ਸਹੂਲਤ ਨਾਂ ਦੀ ਕੋਈ ਚੀਜ਼ ਨਹੀਂ ਹੈ।

ਸਾਡੇ ਮੁਲਕ ਅੰਦਰ ਮੈਡੀਕਲ ਸਹੂਲਤਾਂ ਦੀ ਘਾਟ ਕਿਸੇ ਕੋਲੋਂ ਗੁੱਝੀ ਨਹੀਂ। ਮਾਸਕ, ਦਸਤਾਨੇ, ਟੈਸਟ ਕਿੱਟਾਂ, ਵਰਦੀਆਂ, ਲੈਬਾਰਟਰੀਆਂ, ਵੈਂਟੀਲੇਟਰਾਂ ਤੋਂ ਸੱਖਣਾ ਮੈਡੀਕਲ ਅਮਲਾ ਜੰਗ ਲੜ੍ਹ ਰਿਹਾ ਹੈ। ਇਨਕਲਾਬੀ ਕੇਂਦਰ, ਪੰਜਾਬ ਦੇ ਪ੍ਰਧਾਨ ਸਾਥੀ ਨਰਾਇਣ ਦੱਤ ਅਤੇ ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਨੇ ਕਿਹਾ ਕਿ ਜਦੋਂ ਤੋਂ ਇਹ ਮਹਾਂਮਾਰੀ ਖਿਲਾਫ ਜੰਗ ਸ਼ੁਰੂ ਹੋਈ ਹੈ, ਸਾਡੀ ਜਥੇਬੰਦੀ ਨੇ ਇਹ ਬੁਨਿਆਦੀ ਲੋੜਾਂ ਦੀ ਪੂਰਤੀ ਵੱਲ ਧਿਆਨ ਦਿਵਾਉਂਦਿਆਂ ਮੰਗ ਕੀਤੀ ਸੀ ਕਿ ਲੋੜੀਂਦੇ ਸਾਜੋਸਮਾਨ ਤੋਂ ਵਗੈਰ ਜੰਗ ਲੜੀ ਨਹੀਂ ਵੀ ਜਾ ਸਕਦੀ , ਜੰਗ ਜਿੱਤਣੀ ਤਾਂ ਦੂਰ ਦੀ ਗੱਲ ਹੈ। ਜਦ ਇਹਨਾਂ ਮਸਲਿਆਂ ਦੀ ਚਰਚਾ ਮੁਲਕ ਪੱਧਰ ਤੇ ਹੋਣ ਲੱਗੀ ਤਾਂ ਕੁੰਭਕਰਨੀ ਨੀਂਦ ਸੁੱਤੀਆਂ ਸਰਕਾਰਾਂ ਜਾਗੀਆਂ।

ਕੋਰੋਨਾਵਾਇਰਸ ਨੇ ਪੰਜਾਬ ਦੇ ਸਮਾਜਿਕ ਤੇ ਭਾਈਚਾਰਕ ਤਾਣੇ-ਬਾਣੇ ਨੂੰ ਕੀਤਾ ਖੇਰੂੰ-ਖੇਰੂੰ

Posted on:- 09-04-2020

-ਸੂਹੀ ਸਵੇਰ ਬਿਊਰੋ

ਪੰਜਾਬ ਜਿਥੇ ਕੋਰੋਨਾਵਾਇਰਸ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ । ਸਰਕਾਰ ਵੱਲੋਂ ਕਰੋਨਾ ਨਾਲ   ਨਾਲ ਨਜਿੱਠਣ ਲਈ ਕੀਤੇ ਜਾ ਰਹੇ ਦਾਅਵਿਆਂ `ਤੇ ਸਵਾਲ ਉੱਠ ਰਹੇ ਹਨ ਉਥੇ ਇਸ ਮਹਾਮਾਰੀ ਨੇ ਪੰਜਾਬ ਦੇ ਆਰਥਿਕ ,ਸੱਭਿਆਚਾਰਕ ਪੱਖ ਨੂੰ ਨੇ ਬੁਰੀ ਤਰ੍ਹਾਂ ਅਸਰ -ਅੰਦਾਜ਼ ਕੀਤਾ ਹੈ ਤੇ ਪੰਜਾਬ ਦੇ ਸਮਾਜਿਕ - ਭਾਈਚਾਰਕ ਤਾਣੇ -ਬਾਣੇ ਨੂੰ ਵੀ ਖੇਰੂੰ-ਖੇਰੂੰ । ਖੂਨ ਦੇ ਰਿਸ਼ਤੇ ਵੀ ਫਿਕੇ ਪੈਂਦੇ ਨਜ਼ਰ ਆ ਰਹੇ ਹਨ । ਇਸ ਮਹਾਮਾਰੀ ਦੇ ਦੌਰ `ਚ ਮਨੁੱਖੀ ਸੰਵੇਦਨਾ ਮਰ ਰਹੀ ਨਜ਼ਰ ਆ ਰਹੀ ਹੈ ।

ਰਿਪੋਰਟ ਲਿਖੀ ਜਾਣ ਤੱਕ ਪੰਜਾਬ `ਚ ਕੋਰੋਨਾਵਾਇਰਸ ਦੇ ਪਾਜ਼ੇਟਿਵ ਮਰੀਜ਼ਾਂ ਦੀ ਗਿਣਤੀ 101 ਹੋ ਚੁੱਕੀ ਹੈ ਤੇ ਇਸ ਵਾਇਰਸ ਨਾਲ ਸੂਬੇ `ਚ 8 ਮੌਤਾਂ ਹੋ ਚੁੱਕੀਆਂ ਹਨ । ਰਾਜ ਦੇ 15 ਜ਼ਿਲ੍ਹੇ ਕਰੋਨਾ ਦੀ ਲਪੇਟ `ਚ ਆ ਚੁੱਕੇ ਹਨ । ਪੰਜਾਬ `ਚ ਕਰੋਨਾ ਮਰੀਜ਼ਾਂ ਦੀ ਸਥਿਤੀ ਕੁਝ ਇਸ ਤਰ੍ਹਾਂ ਹੈ : ਕੁੱਲ ਮਰੀਜ਼ ਪਾਜ਼ੇਟਿਵ -- 101

                           ਕੁੱਲ ਮੌਤਾਂ ----             8
                          ਗੰਭੀਰ ਮਰੀਜ਼ -       3
                           ਠੀਕ ਹੋਏ--         14
                          ਸੈਂਪਲ ਲਏ ਗਏ --   2559
                           ਨੈਗਟਿਵ ਆਏ --    2204
                            ਨਤੀਜੇ ਨਹੀਂ ਆਏ -- 256

ਸਭ ਤੋਂ ਜ਼ਿਆਦਾ 26 ਮਾਮਲੇ ਮੋਹਾਲੀ ਤੋਂ ਆਏ ਹਨ ਦੂਜੇ ਨੰਬਰ `ਤੇ ਨਵਾਂ ਸ਼ਹਿਰ 19 ਤੇ ਤੀਜੇ ਨੰਬਰ `ਤੇ ਅੰਮ੍ਰਿਤਸਰ `ਚੋਂ 10 ਮਾਮਲੇ ਆਏ ਹਨ ।

ਸੋਸ਼ਲ ਡਿਸਟੈਂਸਿੰਗ ਅਤੇ ਕੰਮੀਆਂ ਦਾ ਵਿਹੜਾ

Posted on:- 08-04-2020

-ਫਾਜ਼ਲਪੁਰ , ਜਲੰਧਰ ਤੋਂ ਅਮਨਦੀਪ ਹਾਂਸ ਦੀ ਵਿਸ਼ੇਸ਼ ਰਿਪੋਰਟ

ਸਿਰ ਤੇ ਖੌਫ ਦੇ ਪਹਿਰੇ ਲੱਗੇ
ਕਿਸਰਾਂ ਜਸ਼ਨ ਮਨਾਵਾਂ
ਫੁੱਲ ਕਦੇ ਨਹੀਂ ਖਿੜਦੇ ਵੇਖੇ
ਲੋਕਾਂ ਵਿੱਚ ਖਿਜ਼ਾਵਾਂ
ਬੁੱਲਾਂ ਉੱਤੇ ਕਿੰਜ ਲਿਆਵਾਂ
ਬਦੋਬਦੀ ਮੈਂ ਹਾਸੇ
ਕਣੀਆਂ ਨਾਲ ਕਦੇ ਨਹੀਂ ਮੁੱਕੇ
ਲੱਗੇ ਹੋਏ ਚੁਮਾਸੇ
ਅੰਦਰ ਬਾਹਰ ਘੁੱਪ ਹਨੇਰਾ
ਮੱਥੇ ਕਿੰਝ ਲਿਸ਼ਕਾਵਾਂ।
ਸਿਰ ਤੇ ਖੌਫ ਦੇ ਪਹਿਰੇ ਲੱਗੇ
ਕਿਸਰਾਂ ਜਸ਼ਨ ਮਨਾਵਾਂ

ਅੱਜ ਕਰੋਨਾ ਨਾਮ ਦੇ ਅਦਿੱਖ ਦੈਂਤ ਕਰਕੇ ਮਨੁੱਖਤਾ ਲਈ ਜੋ ਸੰਕਟ ਦੀ ਘੜੀ ਆਣ ਪਈ ਹੈ, ਉਸ ਨੇ ਨਪੀੜਿਆ ਤਾਂ ਹਰ ਵਰਗ ਨੂੰ ਹੈ, ਪਰ ਜੋ ਬਹਦਾਲੀ ਕਿਰਤੀ ਵਰਗ ਚ ਛਾਅ ਗਈ ਹੈ , ਉਹਦੇ ਚੁਮਾਸੇ ਦਾਨ ਦੀਆਂ ਕਣੀਆਂ ਨਾਲ ਨਹੀਂ ਮੁੱਕਣ ਵਾਲੇ।
ਹਰ ਦਿਨ ਚੜ੍ਹਦੇ ਸੂਰਜ ਨਾਲ ਕਿਰਤ ਲਈ ਨਿਕਲਣ ਪੈਣ ਤੇ ਤਾਰਿਆਂ ਦੀ ਛਾਵੇਂ ਵਾਪਸ ਪਰਤਣਾ ਕਾਨਿਆਂ ਦੀਆਂ ਕੁੱਲੀਆਂ ਚ.. ਸੱਚੀ ਸੁੱਚੀ ਕਿਰਤ ਦੀ ਮਿਠਾਸ ਵਾਲੀ ਰੁੱਖੀ ਮਿੱਸੀ ਜੋ ਵੀ ਹੋਣਾ, ਢਿੱਡ ਨੂੰ ਝੁਲਕਾ ਦੇ ਲੈਣਾ।

ਨਾ ਕੋਈ ਬਿਜਲੀ ਬੱਤੀ, ਨਾ ਕੋਈ ਮੋਮਬੱਤੀ, ਬੱਸ ਕੁਦਰਤ ਦਾ ਚਾਨਣ ਤੇ ਕੁਦਰਤ ਦਾ ਹਨੇਰ.. ਇਹੀ ਇਹਨਾਂ ਕਿਰਤੀਆਂ ਦੀ ਜ਼ਿੰਦਗੀ ਹੈ, ਜੋ ਅੱਜ ਰੁਕ ਗਈ ਹੈ, ਸਿਰਫ ਰੁਕੀ ਹੀ ਨਹੀਂ, ਇਹਦੇ ਤਾਂ ਸਾਹ ਹੀ ਸੂਤੇ ਗਏ ਨੇ।