ਕਰੋਨਾ ਮਹਾਂਮਾਰੀ ਅਤੇ ਕੇਂਦਰ ਸਰਕਾਰ ਦੀਆਂ ਹੂੜਮਤੀਆਂ -ਹਰਜਿੰਦਰ ਸਿੰਘ ਗੁਲਪੁਰ
Posted on:- 11-05-2020
ਪੂਰੇ ਵਿਸ਼ਵ ਵਾਂਗ ਕਰੋਨਾ ਵਾਇਰਸ ਭਾਰਤ ਅੰਦਰ ਵੀ ਪੈਰ ਪਸਾਰ ਚੁੱਕਿਆ ਹੈ । ਜੇਕਰ ਇਸ ਵਾਇਰਸ ਤੇ ਨੇੜ ਭਵਿੱਖ ਵਿੱਚ ਕਾਬੂ ਨਾ ਪਾਇਆ ਗਿਆ ਤਾਂ ਇਸ ਦੇ ਨਤੀਜੇ ਬਹੁਤ ਭਿਆਨਕ ਨਿਕਲ ਸਕਦੇ ਹਨ। ਜਾਨੀ ਨੁਕਸਾਨ ਤਾਂ ਜਿਹੜਾ ਹੋਵੇਗਾ ਉਹ ਹੋਵੇਗਾ ਹੀ, ਜਿਹੜੇ ਹੋਰ ਨੁਕਸਾਨ ਹੋਣਗੇ ਉਹਨਾਂ ਦਾ ਅੰਦਾਜ਼ਾ ਵੀ ਨਹੀਂ ਲਗਾਇਆ ਜਾ ਸਕਦਾ। ਬਹੁਤ ਸਾਰੇ ਦੇਸ਼ਾਂ ਵਾਂਗ ਭਾਰਤ ਦੀ ਆਰਥਿਕਤਾ ਬੁਰੀ ਤਰ੍ਹਾਂ ਬਰਬਾਦ ਹੋ ਰਹੀ ਹੈ। ਇਸ ਸਮੇਂ ਕਰੋਨਾ ਇੱਕ ਬਹੁਤ ਵੱਡਾ ਸੰਕਟ ਬਣ ਕੇ ਸਾਹਮਣੇ ਆਇਆ ਹੈ ਜਿਸ ਦੇ ਖਿਲਾਫ ਸਾਰੀ ਦੁਨੀਆਂ ਆਪੋ ਆਪਣੇ ਤਰੀਕਿਆਂ ਨਾਲ ਨਿਪਟ ਰਹੀ ਹੈ।
ਇਸ ਮਾਮਲੇ ਵਿੱਚ ਲਾਕਡਾਊਨ ਲਗੂ ਕਰਨ ਤੋਂ ਬਿਨਾਂ ਭਾਰਤ ਸਰਕਾਰ ਦੀ ਕੋਈ ਜ਼ਿਕਰਯੋਗ ਪ੍ਰਾਪਤੀ ਨਹੀਂ ਹੈ। ਸਿਹਤ ਅਮਲਾ ਇਸ ਮਹਾਂਮਾਰੀ ਵਿਰੁੱਧ ਇੱਕ ਤਰ੍ਹਾਂ ਨਾਲ ਖਾਲੀ ਹੱਥੀਂ ਲੜਾਈ ਲੜ ਰਿਹਾ ਹੈ। ਚੀਨ ਤੋਂ ਮੰਗਵਾਇਆ ਸੁਰੱਖਿਆ ਸਾਜੋ ਸਮਾਨ ਪ੍ਰਸ਼ਨਾਂ ਦੇ ਘੇਰੇ ਵਿੱਚ ਹੈ। ਹੋਰ ਤਾਂ ਹੋਰ ਇਸ ਸਾਜੋ ਸਮਾਨ ਦੀ ਖਰੀਦੋ ਫੋਖਤ ਵਿਚੋਂ ਕਮਿਸ਼ਨ ਦੇ ਰੂਪ ਵਿਚ ਰਿਸ਼ਵਤ ਲੈਣ ਦੀਆਂ ਖਬਰਾਂ ਆ ਰਹੀਆਂ ਹਨ। ਅਕਸਰ ਕਿਹਾ ਜਾ ਰਿਹਾ ਹੈ ਕਿ ਭਾਰਤ ਦੇ ਹੱਕ ਵਿੱਚ ਦੋ ਗੱਲਾਂ ਜਾ ਸਕਦੀਆਂ ਹਨ ਇੱਕ ਤਾਂ ਭਾਰਤੀ ਲੋਕਾਂ ਦੀ ਸਖਤ ਜੀਵਨ ਸ਼ੈਲੀ ਦੇ ਕਾਰਨ ਉਹਨਾਂ ਦੀ ਸੁਰੱਖਿਆ ਪ੍ਰਣਾਲੀ ਮਜਬੂਤ ਮੰਨੀ ਜਾਂਦੀ ਹੈ ਦੂਜੀ ਭਾਰਤ ਵਿਚ ਗਰਮੀਆਂ ਸ਼ੁਰੂ ਹੋ ਜਾਣ ਕਾਰਨ ਇਹ ਰੁੱਤ ਕਰੋਨਾ ਖਿਲਾਫ ਲੜਾਈ ਲਈ ਅਨੁਕੂਲ ਹੋ ਸਕਦੀ ਹੈ।
Read More
ਸੁਮੇਧ ਸੈਣੀ ਨੂੰ ਤੁਰੰਤ ਗ੍ਰਿਫ਼ਤਾਰ ਕਰਕੇ ਮੁਕੱਦਮਾ ਚਲਾਇਆ ਜਾਵੇ :ਜਮਹੂਰੀ ਅਧਿਕਾਰ ਸਭਾ
Posted on:- 11-05-2020
ਜਮਹੂਰੀ ਅਧਿਕਾਰ ਸਭਾ ਪੰਜਾਬ ਦੇ ਸੂਬਾ ਪ੍ਰਧਾਨ ਪ੍ਰੋਫੈਸਰ ਏ.ਕੇ.ਮਲੇਰੀ, ਜਨਰਲ ਸਕੱਤਰ ਪ੍ਰੋਫੈਸਰ ਜਗਮੋਹਣ ਸਿੰਘ ਅਤੇ ਪ੍ਰੈੱਸ ਸਕੱਤਰ ਬੂਟਾ ਸਿੰਘ ਨੇ ਸਾਬਕਾ ਡੀਜੀਪੀ ਸੁਮੇਧ ਸੈਣੀ ਨੂੰ ਤੁਰੰਤ ਗਿ੍ਰਫ਼ਤਾਰ ਕਰਕੇ ਉਸ ਦੇ ਖ਼ਿਲਾਫ਼ ਮੁਕੱਦਮਾ ਚਲਾਏ ਜਾਣ ਦੀ ਮੰਗ ਕੀਤੀ ਹੈ। ਕੁਝ ਪੁਲੀਸ ਦੇ ਵੱਡੇ ਅਧਿਕਾਰੀ ਮੌਕੇ ਦਾ ਫ਼ਾਇਦਾ ਲੈ ਕੇ ਬੇਕਸੂਰ ਲੋਕਾਂ ਨੂੰ ਗ਼ੈਰਕਾਨੂੰਨੀ ਤੌਰ ’ਤੇ ਹਿਰਾਸਤ ਵਿਚੋਂ ਲਾਪਤਾ ਕਰ ਦੇਣ ਅਤੇ ਝੂਠੇ ਪੁਲਿਸ ਮੁਕਾਬਲਿਆਂ ਵਿਚ ਹੱਤਿਆਵਾਂ ਕਰਨ ਵਰਗੇ ਸੰਗੀਨ ਜੁਰਮਾਂ ਲਈ ਜ਼ਿੰਮੇਵਾਰ ਹਨ।
ਇਨਸਾਫ਼ ਦਾ ਤਕਾਜਾ ਅਤੇ ਅੰਤਰਰਾਸ਼ਟਰੀ ਕਾਨੂੰਨ ਮੰਗ ਕਰਦੇ ਹਨ ਕਿ ਅਜੇਹੇ ਗੈਰਕਾਨੂੰਨੀ ਅਮਲਾਂ ਨੂੰ ਅਦਾਲਤ ਦੇ ਕਟਹਿਰੇ ਵਿਚ ਲ਼ਿਆਂਦਾ ਜਾਵੇ ਤੇ ਲੋਕਾਂ ਦਾ ਇਨਸਾਫ ਵਿਚ ਯਕੀਨ ਬਹਾਲ ਕੀਤਾ ਜਾਵੇ। ਹਾਕਮ ਜਮਾਤੀ ਪਾਰਟੀਆਂ ਆਪਣੀ ਰਾਜਸੀ ਖੁਦਗਰਜੀ ਕਰਕੇ ਅਤੇ ਲੋਕ ਭਾਵਨਾਵਾਂ ਨਾਲ ਖੇਡਣ ਵਾਸਤੇ ਅਜੇਹੇ ਮੁੱਦੇ ਨੂੰ ਵੋਟਾਂ ਬਟੋਰਨ ਲਈ ਵਰਤਦੀਆਂ ਹਨ ਅਤੇ ਸੱਤਾ ਵਿਚ ਆ ਕੇ ਦੋਸ਼ੀ ਪੁਲਿਸ ਅਧਿਕਾਰੀਆਂ ਨੂੰ ਬਚਾਉਣ ਲਈ ਪੂਰਾ ਤਾਣ ਲਗਾਉਦੀਆਂ ਹਨ।
Read More
ਭੋਰੇ 'ਚੋਂ ਨਿਕਲਦੇ ਹੀ ਕੈਸੀ ਹੋਵੇ ਸਾਡੀ ਕਾਰਜਸ਼ੈਲੀ... -ਵਰਗਿਸ ਸਲਾਮਤ
Posted on:- 11-05-2020
ਅਸੀਂ ਨਿਕੇ ਹੁੰਦੇ ਦਾਦੀ ਜਾਂ ਨਾਨੀ ਤੋਂ ਕਹਾਣੀਆਂ ਸੁਣਦੇ ਹੁੰਦੇ ਸੀ......ਫਲਾਂ ਰਾਜਕੁਮਾਰ ਇੰਨੇ ਸਾਲ ਭੋਰੇ 'ਚ ਰਿਹਾ , ਜਦੋਂ ਬਾਹਰ ਆਇਆ ਉਸਦੀ ਤਾਅਬ ਕਿਸੇ ਕੋਲੋਂ ਝੱਲੀ ਨਹੀਂ ਸੀ ਜਾਂਦੀ ।ਵੱਡੇ ਹੋਏ ਤਾਂ ਪਤਾ ਲੱਗਾ ਕਿ ਇਹ ਦੰਦ-ਕਥਾਵਾਂ ਸੀ।ਧਾਰਮਿਕ ਕਥਾਵਾਂ 'ਚ ਸੁਣਦੇ ਰਹੇ ਹਾਂ ਸਾਧੂ-ਸੰਤਾਂ ਦੀ ਲੰਮੀ ਸਮਾਧੀ ਵੇਖ ਭਗਵਾਨ ਨੇ ਉਸਨੂੰ ਫਲਾਂ-ਫਲਾਂ ਵਰ ਦੇ ਦਿੱਤਾ।ਸਦੀਆਂ ਦੇ ਜੰਗਲ ਰਾਜ ਨੂੰ ਛਾਂਗਦਾ-ਛਾਂਗਦਾ ਮਨੁੱਖ ਵਿਕਸਤ ਹੋਇਆ।ਮਨੁੱਖਤਾ ਅਤੇ ਸਭਿਆਚਾਰ ਹੋਂਦ 'ਚ ਆਈ।
ਅੱਜ ਸਭਿਅਕ ਸਮਾਜ 'ਚ ਜੇ ਕੋਈ ਗਲਤੀ ਯਾਂ ਗੁਨਾਹ ਕਰਦਾ ਹੈ ਤਾਂ ਉਸਨੂੰ ਸਜ਼ਾ ਦੇ ਤੌਰ ’ਤੇ ਸਮਾਜ ਤੋਂ ਵੱਖ ਇਕਾਂਤਵਾਸ ਅਰਥਾਤ ਜੇਲ੍ਹ ਜਾਂ ਲੌਕਡਾਉਨ ਵਿਚ ਭੇਜਿਆ ਜਾਂਦਾ ਹੈ।ਅੱਜ ਦੇ ਅਗਾਂਹਵਧੂ ਸੰਦਰਭ 'ਚ ਵੇਖੀਏ ਤਾਂ ਭੋਰੇ 'ਚ ਪਾਉਣਾ , ਸਵੈ-ਸਮਾਧੀ 'ਚ ਜਾਣਾ, ਇਕਾਂਤਵਾਸ, ਜੇਲ ਜਾਂ ਲੌਕਡਾਉਨ ਆਦਿ ਵੱਖ-ਵੱਖ ਅਵਸਥਾਵਾਂ ਹਨ ਜਿਸ ਵਿਚ ਵਿਅਕਤੀ ਨੂੰ ਖੂਦ ਦੀ ਜਾਂਚ ਦਾ ਮੌਕਾ ਮਿਲਦਾ ਹੈ ,ਏਸੇ ਵਿਚ ਅੱਜ ਸਾਰਾ ਸੰਸਾਰ ਘਿਰਿਆ ਹੈ। ਮੌਕਾ ਇਹ ਵੀ ਹੈ ਕਿ ਮਨੁੱਖ, ਮਨੁੱਖਤਾ, ਸਰਕਾਰਾਂ , ਪ੍ਰਸ਼ਾਸ਼ਨ ਆਦਿ ਆਪਣੇ-ਆਪਣੇ ਇਕਾਂਤ ਵਿਚ ਆਪਣੇ ਰੂਬਰੂ ਹੋਵੇ ਅਤੇ ਆਪਣਾ ਸਵੈ-ਮੰਥਨ ਜਾਂ ਸਵੈ-ਪੜਚੋਲ ਕਰੇ।ਅੱਜ ਸੰਸਾਰ ਭਰ ਦਾ ਇਹ ਇਕਾਂਤਵਾਸ ਵਿਸ਼ਵ ਕੈਨਵਸ 'ਤੇ ਕੁਝ ਅਜਿਹੀ ਸਥਿਤੀ ਦੀ ਇਕੋ ਰੰਗ ਵਾਲੀ ਤਸਵੀਰ ਪੇਸ਼ ਕਰ ਰਿਹਾ ਹੈ ਅਤੇ ਮਨੋਵਿਗਿਆਨ ਕਹਿੰਦਾ ਕਿ ਇਕਲਾਪਾ ਬੰਦੇ ਨੂੰ ਤੁਲਨਾਤਮਕ ਮੰਥਨ ਦੇ ਰਾਹ ਦਸਦਾ ਹੈ।
Read More
ਲੋਕ ਗਾਇਕ ਜਾਂ ਮੋਕ ਗਾਇਕ? -ਮਿੰਟੂ ਬਰਾੜ
Posted on:- 10-05-2020
.jpg "News title")
'ਵਿਵਾਦ', ਮਸ਼ਹੂਰੀ ਅਤੇ ਸਫਲਤਾ ਲੈਣ ਦਾ ਇਕ ਸਭ ਤੋਂ ਕਾਰਗਰ ਤੇ ਸੁਖਾਲਾ ਹਥਿਆਰ ਹੈ। ਜਿਸ ਨੂੰ ਅਕਸਰ ਸੁਨਹਿਰੀ ਦੁਨੀਆ ਦੇ ਲੋਕ ਬੜੀ ਬਾਖ਼ੂਬੀ ਨਾਲ ਵਰਤਦੇ ਰਹਿੰਦੇ ਹਨ। ਆਮ ਜਨਤਾ ਇਹਨਾਂ ਦਾ ਸ਼ਿਕਾਰ ਹੁੰਦੀ ਹੈ। ਕਦੇ ਇਹ ਜਨਤਾ ਦੀ ਜੇਬ ਕੁਤਰਦੇ ਹਨ ਤੇ ਕਦੇ ਭਾਵਨਾਵਾਂ। ਖ਼ਾਸ ਕਰ ਜੇ ਪੰਜਾਬੀ ਗਾਇਕਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇੱਥੇ ਵੀ ਸਸਤੀ ਸ਼ੁਹਰਤ ਦੇ ਭੁੱਖੇ ਤੁਹਾਨੂੰ ਆਮ ਹੀ ਦੇਖਣ 'ਚ ਮਿਲ ਜਾਣਗੇ।
ਜਿਨ੍ਹਾਂ ਗਾਇਕਾਂ ਨੇ ਆਪਣਾ ਜ਼ਮੀਰ ਨਹੀਂ ਵੇਚਿਆ ਤੇ ਮਿਆਰ ਕਾਇਮ ਰੱਖਿਆ ਉਨ੍ਹਾਂ ਨੂੰ ਸਦਾ ਸਲਾਮ ਹੈ। ਪਰ ਜਿਹੜੇ ਅੱਜ ਦੀ ਜਵਾਨੀ ਨੂੰ ਗੁੰਮ ਰਾਹ ਕਰ ਰਹੇ ਹਨ ਉਨ੍ਹਾਂ ਲਈ ਹੈ ਇਹ ਲੇਖ।
ਪਾਠਕਾਂ ਤੋਂ ਅਗਾਊਂ ਮਾਫ਼ੀ ਇਸ ਲਈ ਮੰਗ ਰਿਹਾ ਹਾਂ ਕਿ ਜੋ ਸ਼ਬਦ ਅੱਜ ਦੇ ਇਸ ਲੇਖ 'ਚ ਲਿਖੇ ਜਾਣਗੇ ਉਹ ਮੇਰੇ ਕਿਰਦਾਰ ਦਾ ਹਿੱਸਾ ਨਹੀਂ ਹਨ। ਮਾਫ਼ੀ ਸਿਰਫ਼ ਪਾਠਕਾਂ ਤੋਂ ਹੈ ਕਿਉਂਕਿ ਉਹ ਮੇਰੇ ਤੋਂ ਮੰਦੀ ਭਾਸ਼ਾ ਦੀ ਆਸ ਨਹੀਂ ਕਰਦੇ, ਨਾ ਕਿ ਉਨ੍ਹਾਂ ਲੋਕਾਂ ਤੋਂ ਜੋ ਆਪਣੇ ਕਹੇ ਤੇ ਖੜ੍ਹਨ ਦੀ ਹਿੰਮਤ ਨਹੀਂ ਰੱਖਦੇ।
ਲੇਖ ਲਿਖਣ ਦਾ ਕਾਰਨ ਹੈ, ਤੇਜ਼ੀ ਨਾਲ ਆਇਆ ਤੇ ਉੱਨੀ ਹੀ ਤੇਜ਼ੀ ਨਾਲ ਗਿਆ ਗੀਤ 'ਮੇਰਾ ਕੀ ਕਸੂਰ'। ਜੋ ਕਿ 'ਬੀਰ ਸਿੰਘ' ਵੱਲੋਂ ਲਿਖਿਆ ਤੇ 'ਰਣਜੀਤ ਬਾਵਾ' ਵੱਲੋਂ ਗਾਇਆ ਗਿਆ ਸੀ। ਭਾਵੇਂ ਗੀਤ ਨੂੰ ਹਰ ਥਾਂ ਤੋਂ ਵਾਪਸ ਲੈ ਕੇ ਗਾਇਕ ਨੇ ਅਫ਼ਸੋਸ ਜਤਾ ਲਿਆ ਹੈ। ਉਸ ਦਾ ਮੰਨਣਾ ਹੈ ਕਿ ਮੈਂ ਕਿਸੇ ਦੀਆਂ ਭਾਵਨਾਵਾਂ ਨੂੰ ਠੇਸ ਨਹੀਂ ਪਹੁੰਚਾਉਣਾ ਚਾਹੁੰਦਾ।
Read More
ਕੌਮੀ ਪੈਦਾਵਾਰ ਅਤੇ ਪੈਦਾਵਾਰ ਕਰਨ ਵਾਲਿਆਂ ਦੇ ਹੱਕ 'ਚ ਹਾਅ ਦਾ ਨਾਹਰਾ ਮਾਰੋ
Posted on:- 09-05-2020
ਰੁਲ ਤੇ ਗਲ ਰਹੀ ਕਣਕ ਤੇ ਪੀੜਤ ਕਿਸਾਨਾਂ ਅਤੇ ਰੁਜ਼ਗਾਰ ਬੰਦੀ ਦੇ ਸਤਾਏ ਕਿਰਤੀਆਂ ਦੇ ਹਿੱਤਾਂ-ਹੱਕਾਂ ਦੀ ਆਵਾਜ਼ ਉਠਾਉਂਦਿਆਂ ਲੋਕ ਮੋਰਚਾ ਪੰਜਾਬ ਦੀ ਸੂਬਾ ਕਮੇਟੀ ਨੇ ਸਮੂਹ ਲੋਕਾਂ ਨੂੰ ਸੱਦਾ ਦਿੱਤਾ ਹੈ ਕਿ ਉਹ ਇਸ ਕੌਮੀ ਪੈਦਾਵਾਰ ਨੂੰ ਅਤੇ ਇਸ ਨੂੰ ਪੈਦਾ ਕਰਨ ਵਾਲਿਆਂ ਨੂੰ ਬਚਾਉਣ ਲਈ ਹਾਅ ਦਾ ਨਾਹਰਾ ਮਾਰਨ ਦਾ ਯਤਨ ਜੁਟਾਉਣ।
ਮੋਰਚੇ ਦੇ ਜਥੇਬੰਦਕ ਸਕੱਤਰ ਜਗਮੇਲ ਸਿੰਘ ਨੇ ਕਿਹਾ ਹੈ ਕਿ ਕਣਕ, ਕੌਮੀ ਪੈਦਾਵਾਰ ਹੈ। ਇਸ ਨੂੰ ਰੁਲਣੋਂ-ਗਲਣੋਂ ਬਚਾਉਣਾ ਚਾਹੀਦਾ ਹੈ।ਹੁਣ ਵਰਗੇ 'ਮਹਾਂਮਾਰੀ' ਤੇ ਰੁਜ਼ਗਾਰਬੰਦੀ ਦੇ ਸਮਿਆਂ ਅੰਦਰ ਭੁੱਖੇ ਢਿੱਡ ਭਰਨ ਲਈ ਇਸ ਨੂੰ ਸੰਭਾਲਣਾ ਹੋਰ ਵੀ ਜਰੂਰੀ ਹੋ ਜਾਂਦਾ ਹੈ। ਪਰ ਸਾਡੇ ਇਥੇ ਕਣਕ ਰੁਲ ਰਹੀ ਹੈ।ਕਿਸਾਨ ਨੇ ਪੂਰੀ ਪਰੋਖੋਂ ਨਾਲ ਆਪਣੀ ਜਿੰਮੇਵਾਰੀ ਨਿਭਾਈ ਹੈ ਤੇ ਕਣਕ ਪੈਦਾ ਕੀਤੀ ਹੈ।ਅੱਗੋਂ ਸਰਕਾਰਾਂ ਦੀ ਜ਼ਿੰਮੇਵਾਰੀ ਬਣਦੀ ਹੈ, ਇਸ ਨੂੰ ਕੌਮੀ ਪੈਦਾਵਾਰ ਮੰਨ ਕੇ ਸੰਭਾਲਣਾ। ਜਦੋਂ ਪਤਾ ਹੈ, ਕਣਕ ਦਾ ਹੋਣਾ ਤੇ ਮੰਡੀਆਂ 'ਚ ਆਉਣਾ ਸਲਾਨਾ ਨਿਸ਼ਚਿਤ ਵਰਤਾਰਾ ਹੈ।ਫਿਰ ਸਰਕਾਰੀ ਖਰੀਦ ਏਜੰਸੀਆਂ ਦਾ ਸਮੇਂ ਸਿਰ ਮੰਡੀਆਂ ਵਿਚ ਨਾ ਆਉਣਾ, ਬਾਰਦਾਨਾ ਪੂਰਾ ਨਾ ਹੋਣਾ ਤੇ ਬੋਲੀ ਲਾਉਣ ਨੂੰ ਟਾਲੀ ਜਾਣਾ, ਕੌਮੀ ਪੈਦਾਵਾਰ ਦਾ ਅਤੇ ਪੈਦਾਵਾਰ ਕਰਨ ਵਾਲਿਆ ਦਾ ਨਿਰਾਦਰ ਹੈ। ਉਲਟਾ, ਮੀਂਹ-ਨੇਰ੍ਹੀ ਨਾਲ ਨੁਕਸਾਨੀ ਜਿਣਸ ਦਾ ਹਰਜਾਨਾ ਕਿਸਾਨ ਸਿਰ ਪਾ ਦੇਣਾ, ਕਿਸਾਨ ਨਾਲ ਧੱਕਾ ਹੈ।
Read More