ਇਮਰਾਨ ਨੋਮੀ ਦੀਆਂ ਚੰਦ ਕਵਿਤਾਵਾਂ

ਮੈਂ ਬੋਲੀ ਦੇਸ ਪੰਜਾਬ ਦੀ ਮੈਨੂੰ ਮਿਲਿਆ ਨਾ ਮੇਰਾ ਹੱਕ
ਮੇਰੇ ਆਪਣੇ ਪੁੱਤਰਾਂ ਮੇਰੇ ਨਾਲ ਕੀਤਾ ਦੁਸ਼ਮਣਾਂ ਵਾਲਾ ਹੱਥ
ਪਰਾਈ ਮਾਂ  ਨੂੰ ਲਿਆ ਕੇ ਮੈਨੂੰ ਘਰੋਂ ਦਿੱਤਾ ਕੱਢ
ਰੱਬ ਵਰਗਾ ਅਹਸਾਸ ਏ ਮੇਰੇ ਵਿੱਚ
ਬੁੱਲ੍ਹੇ ਸ਼ਾਹ ਦੀ ਸ਼ਾਨ ਮੇਰੇ ਵਿੱਚ
ਬਾਬੇ ਨਾਨਕ ਦਾ ਰਾਜ਼ ਮੇਰੇ ਵਿੱਚ
ਸ਼ਾਹ ਹੁਸੈਨ ਦੀ ਲਾਜ਼ ਮੇਰੇ ਵਿੱਚ
ਵਾਰਿਸ ਸ਼ਾਹ ਦੇ ਬੋਲ ਮੇਰੇ ਵਿੱਚ
ਮੇਰਾ ਪਿਆਰ ਏ ਸਮੁੰਦਰੋਂ ਡੂੰਘਾ
ਸਭ ਮਾਵਾਂ ਦੀ ਕਦਰ ਕਰੋ ਮਨ ਕੇ ਗੱਲ ਨੋਮੀ ਦੀ
ਪਰ ਆਪਣੀ ਮਾਂ ਵਰਗਾ ਨਹੀਂ ਕੋਈ ਹੋਰ
ਬੋਲ ਪੰਜਾਬੀ ਬੋਲ
ਬੋਲ ਪੰਜਾਬੀ ਬੋਲ