ਸੱਸ ਦੀ ਅਸੀਸ -‘ਨੀਲ’

ਛੇਤੀ ਦੁੱਧ ਪਿਆਵੋ
ਛੇਤੀ-ਛੇਤੀ ਦਿਓ ਦੁਲਾਰੇ,

ਛੇਤੀ ਗੋਦੀ ਭਰੋ
ਭੰਗੂੜੇ ਛੇਤੀ ਦਿਓ ਹੁਲਾਰੇ,

ਛੇਤੀ ਗੱਭਰੂ ਕਰ ਲੋ
ਜੋ ਮੁਟਿਆਰੀਂ ਲੱਗਣ ਪਿਆਰੇ,

ਛੇਤੀ ਪੁੱਤਰ ਵਿਆਹੋ ਜਿਸ ਤੋਂ
ਭਾਬੀ ਪਾਣੀ ਵਾਰੇ,

ਨੂੰਹਾਂ ਤੁਹਾਨੂੰ ਟਿੱਚ ਨਾ ਸਮਝਣ
ਨੈਣੀ ਕਰਨ ਇਸ਼ਾਰੇ,
ਤੁਹਾਡੇ ਪੁੱਤ ਨੂੰ ਵੀ ਨੂੰਹ ਕੋਈ
ਤਪਾਵੇ ਤੱਤੇ ਤਾਰੇ,

ਸਾਗਰ ਬਣੇ ਮਾਰੂਥਲ
ਵਿਚ ਕੋਈ ਹਿਰਨੀ ਬੂਕ੍ਹਾਂ ਮਾਰੇ,
ਏਸ ਸੱਸ ਦੀ ਬਦਲੇ ਵਾਲੀ
ਕਿਸ਼ਤੀ ਲੱਗੇ ਕਿਨਾਰੇ,

ਨੂੰਹੋਂ!
ਤੁਸੀ ਵੀ ਸੱਸਾਂ ਬਣ ਜਵੋਂ
ਲਵੋ ਅਸੀਸ ਹਜ਼ਾਰੇ।