ਕਿਨੂੰ ਹਾਲ ਸੁਣਾਵਾਂ ਦਿਲ ਦਾ ,
ਰੱਬਾ ਮਨ ਦਾ ਮੀਤ ਨਾ ਮਿਲਦਾ ।
ਰੱਬਾ ਮਨ ਦਾ ਮੀਤ ਨਾ ਮਿਲਦਾ ।
ਪੈ ਗਏ ਲੇਖਾਂ ਵਿੱਚ ਵਿਛੋੜੇ ,
ਕਾਹਤੋਂ ਨੈਣ ਬੇਦਰਦੇ ਜੋੜੇ ,
ਮਨ ਨਾਲ ਗ਼ਮਾਂ ਦੇ ਭਿੜਦਾ
ਰੱਬਾ ਮਨ ਦਾ …
ਅਸਾਂ ਖੂਹ ਨੈਣਾਂ ਦਾ ਜੋਇਆ ,
ਮਾਹੀਆ ਰੰਗ ਸੰਧੂਰੀ ਚੋਇਆ ,
ਕੋਈ ਸੱਧਰੀਂ ਫੁੱਲ ਨਾ ਖਿੜਦਾ
ਰੱਬਾ ਮਨ ਦਾ …
ਡਾਹਢੀ ਮੱਤ ਯਾਦਾਂ ਨੇ ਮਾਰੀ ,
ਮੇਰੇ ਦਿਲ ਤੇ ਫਿਰਦੀ ਆਰੀ ,
ਹਾਏ!ਖੂਹ ਨੈਣਾਂ ਦਾ ਗਿੜ੍ਹਦਾ
ਰੱਬਾ ਮਨ ਦਾ …
ਮੇਰੇ ਦਿਲ ਤੇ ਫਿਰਦੀ ਆਰੀ ,
ਹਾਏ!ਖੂਹ ਨੈਣਾਂ ਦਾ ਗਿੜ੍ਹਦਾ
ਰੱਬਾ ਮਨ ਦਾ …
ਜੇ ਤੂੰ ਇੱਕ ਵਾਰ ਮਿਲ ਜਾਵੇ ,
ਜਿੰਦ ਮਾਹੀਆ ਕਿੱਕਲੀ ਪਾਵੇ ,
ਜਿੱਦਾਂ ਰਾਗ ਬਸੰਤੀ ਛਿੜਦਾ
ਰੱਬਾ ਮਨ ਦਾ …
ਕਿਨੂੰ ਹਾਲ ਸੁਣਾਵਾਂ ਦਿਲ ਦਾ ,
ਰੱਬਾ ਮਨ ਦਾ ਮੀਤ ਨਾ ਮਿਲਦਾ ।
