ਪੀਲਾ ਫੁੱਲ ਕਹਿੰਦਾ –ਜਸਪ੍ਰੀਤ ਕੌਰ

ਮੈਂ ਟਾਹਣੀ ਤੇ ਲੱਗਿਆ ਫੁੱਲ ਆਂ,
ਕਿੰਝ ਦੱਸਾਂ ਮੇਰਾ ਕੀ ਮੁੱਲ ਆ,
ਲੋਕੀ ਤੋੜ ਨਿੱਤ ਬੁੱਕੇ ਵੇਚਦੇ,
ਖੁਸ਼ੀ ਮੌਂਕੇ ਦਿੰਦੇ ਮੁਰਝਾਇਆ ਇੱਕ ਫੁੱਲ ਆ !
 
ਰੰਗ ਪੀਲਾ ਪੀਲੀਆਂ ਲਿਸ਼ਕੋਰਾਂ ਮਾਰਾਂ,
ਸੂਰਜ ਦੀ ਲਿਸ਼ਕੋ ਨੂੰ ਦਿਨੇ ਦਿਖਾਵਾਂ ਤਾਰਾ,
ਮੈਨੂੰ ਲੋਕੀਂ ਰੋਜ਼ ਦੇਖ ਕੇ ਲੰਘਦੇ,
ਹੁਸਨ ਦੇ ਨਾਲ ਭਰਿਆ ਇੱਕ ਫੁੱਲ ਆ !
 
ਮੈਂ ਆਪਣੀ ਖੁਸ਼ਬੋਂ ਨੂੰ ਕੋਹਾਂ ਤੱਕ ਮਾਰਾ,
ਮੂੰਹੋਂ ਹਰ ਕਹੇ ਪੀਲਾ ਗੁੱਛਾ ਲੱਗੇ ਕਿੰਨਾਂ ਪਿਆਰਾ,
ਰੰਗ ਖੁਸ਼ਬੋਂ ਬਖੇਰਦਾ ਮੈਂ ਆਸੇ ਪਾਸੇ,
ਤਜ਼ੋਰੀ ਸੁਗੰਧ ਦੀ ਲੁਕਾਈ ਬੈਠਾ ਮੈਂ ਇੱਕ ਫੁੱਲ ਆ !
 
ਸਾਡੀ ਸਦੀਆਂ ਤੋਂ ਚਲੀ ਆਉਂਦੀ ਕੁੱਲ ਆ,
ਦੇਖ ਬਲਬ ਪੀਲਾ ਸੱਠ ਵਾਟ ਦਾ ਹੁੰਦਾ ਗੁੱਲ ਆ,
ਮੇਰੀ ਰੀਸ ਨਾ ਕਰ ਸਕੇ ਕੋਈ ਇੱਥੇ,
ਮੇਰਾ ਬਾਪੂ ਵਧੀਆ ਪਨੀਰੀ ਦਾ ਇੱਕ ਫੁੱਲ ਆ !