ਨਸ਼ਿਆਂ ਤੋਂ ਆਪ ਨੂੰ ਬਚਾਓ ਦੋਸਤੋ
ਦੁੱਧ ਘਿਓ ਰੱਜ ਰੱਜ ਖਾਓ ਦੋਸਤੋ।
ਸੰਗਤ ਹਮੇਸ਼ਾਂ ਦਿਲੋਂ ਚੰਗੀ ਕਰੀਏ
ਨਿੱਕੀ ਮੋਟੀ ਗੱਲ ਤੇ ਕਦੀ ਨਾ ਲੜੀਏ
ਨਾ ਮਾੜੇ ਸੰਗ ਵਿਚ ਕਦੀ ਜਾਓ ਦੋਸਤੋ
ਨਸ਼ਿਆਂ ਦੇ ਨਾਲ ਸਦਾ ਪੈਂਦੇ ਹੀ ਪੁਆੜੇ ਨੇ
ਵੱਸਦੇ ਘਰਾਂ ਵਿਚ ਬਣਦੇ ਅਖਾੜੇ ਨੇ
ਸਾਰੇ ਸਦਾਚਾਰੀ ਗੁਣ ਅਪਣਾਓ ਦੋਸਤੋ
ਨਾਹੀਂ ਇਨਸਾਨੀ ਜਾਮਾ ਵਾਰ ਵਾਰ ਆਉਂਦਾ ਏ
ਬੰਦੇ ਵਾਂਗ ਜਿਉਣਾ ਹੀ ਬੰਦਾ ਅਖਵਾਉਂਦਾ ਏ
ਗੁਰ ਇਹੋ ਸਭ ਨੂੰ ਸਮਝਾਓ ਦੋਸਤੋ
ਨਸ਼ਿਆਂ ਵਿਚ ਡੁੱਬੇ ਜਿਹੜੇ ਮਾਰੇ ਮਾਰੇ ਫਿਰਦੇ
ਦਿਨਾਂ ਸਾਲਾਂ ਵਿਚ ਉਹ ਜਾਣ ਸਾਰੇ ਕਿਰਦੇ
ਦਾਅ ਉੱਤੇ ਜਿੰਦਗੀ ਨਾ ਲਾਓ ਦੋਸਤੋ
ਨਸ਼ਿਆਂ ਦੇ ਆਸਰੇ ਨਾ ਖੱਟ ਹੋਣ ਖੱਟੀਆਂ
‘ਮਾਨ’ ਕਈ ਮਸੂਮ ਜਿੰਦਾ ਇਹਨਾਂ ਨੇ ਚੱਟੀਆਂ
ਮਨ ਉੱਤੇ ਕਾਬੂ ਤੁਸੀਂ ਪਾਓ ਦੋਸਤੋ
