ਨਵੇਂ ਸਾਲ ਦਾ ਸੂਰਜ -ਮਲਕੀਅਤ ਸਿੰਘ “ਸੁਹਲ”

ਦੇਸ਼ ਮੇਰੇ ਨੂੰ ਖ਼ੋਰਾ ਲਗਾ ਇਸ ਦਾ ਕੋਈ ਇਲਾਜ ਕਰੋ।
ਗੀਤ ਅਮਨ ਦੇ ਗਉਣ ਵਾਲਿਉ ਸਾਂਝਾਂ ਦਾ ਆਗਾਜ਼ ਕਰੋ।
ਜੋ ਗੁਰਬੱਤ ਦੀ ਨੀਂਦਰ ਸੁੱਤੇ, ਉਹਨਾਂ ਤਾਈਂ ਜਗਾਵੇਂਗਾ,
ਨਵੇਂ ਸਾਲ ਦਾ ਸੂਰਜ ਵੇਖੋ ਕੀ- ਕੀ ਰੰਗ ਵਿਖਾਵੇਂਗਾ।

ਚਾਰ ਚੁਫ਼ੇਰੇ ਘੇਰਾ ਪਾ ਕੇ ਦੁਸ਼ਮਨ ਦਾਅ ਲਗਾਉਂਦਾ ਹੈ।
ਦੇਸ਼ ਮੇਰੇ ਦੀ ਸ਼ਾਂਤ ਅਣਖ ਨੂੰ ਚੋਬ੍ਹਾਂ ਲਾ ਜਗਾਉਂਦਾ ਹੈ।
ਦੇਸ਼-ਧਰੋਹੀ ਜਿਹੀਆਂ ਚਾਲਾਂ ਹੁਣ ਨਾ ਕੋਈ ਚਲਾਵੇਂਗਾ,
ਨਵੇਂ ਸਾਲ ਦਾ ਸੂਰਜ ਵੇਖੋ ! ਕੀ-ਕੀ ਰੰਗ ਵਿਖਾਵੇਂਗਾ।

ਇਹ ਨਵੀਂ ਕਰਾਂਤੀ ਦੇਸ਼ ਮੇਰੇ ਦੀ,ਖ਼ੁਸ਼ੀਆਂ ਖੇੜੇ ਵੰਡੇਗੀ।
ਹਰ ਦਰਵਾਜ਼ੇ ਦਸਤਕ ਦੇ ਕੇ ਗੰਡ੍ਹ ਪਿਆਰ ਦੀ ਗੰਡ੍ਹੇਗੀ।
“ਸੁਹਲ” ਦੀ ਸਰਦਾਰੀ ਨੂੰ ਹਰ ਕੋਈ ਫ਼ਤਹਿ ਬੁਲਾਵੇਂਗਾ,

ਨਵੇਂ ਸਾਲ ਦਾ ਸੂਰਜ ਵੇਖੋ! ਕੀ-ਕੀ ਰੰਗ ਵਿਖਾਵੇਂਗਾ।
ਨਸਿ਼ਆਂ ਵਿਚ ਜਵਾਨੀ ਜਾਂਦੀ, ਉਹਨੂੰ ਮੋੜ ਲਿਆਵੇਂਗਾ।