ਨਾ ਛੇੜ ਇਹ ਮੁਹੱਬਤਾਂ ਦੀ ਬਾਤ ਰਹਿਣ ਦੇ ।
ਮੇਰੇ ਸਾਹਾਂ ‘ਚ ਸੁਲਗ਼ਦੇ ਜਜ਼ਬਾਤ ਰਹਿਣ ਦੇ।
ਯਾਰ ਸਾਡੇ ਦੀ ਝੋਲੀ ‘ਚ ਰੱਬਾ ਖ਼ੁਸ਼ੀਆਂ ਹੀ ਰਹਿਣ,
ਸਾਡੇ ਕੋਲ ਇਹੋ ਅੱਥਰੂ ਸੁਗਾਤ ਰਹਿਣ ਦੇ ।
ਮਜ਼ਾ ਇੰਤਜ਼ਾਰ ਦੇ ਮਿੱਠੇ ਦਰਦ ਦਾ ਚੱਖ ਲੈਣ ਦੇ,
ਛੱਡ ਕੀ ਕਰਨੀ ਏ ਯਾਰਾ ਮੁਲਾਕਾਤ ਰਹਿਣ ਦੇ !
ਸੋਹਣੇ ਯਾਰ ਦੇ ਮਿਲਾਪ ਵਾਲੀ ਆਈ ਮਸਾਂ ਰਾਤ ਏ,
ਅੱਜ ਹੋਵੇ ਨਾ ਇਹ ਰੱਬਾ ਪ੍ਰਭਾਤ ਰਹਿਣ ਦੇ ।
ਗੀਤ ਸੁਣ ਕੇ ਖ਼ਾਮੋਸ਼ੀ ਵਾਲਾ ਝੂੰਮ ਲੈਣ ਦੇ,
ਛੱਡ ਬੁੱਲ੍ਹੀਆਂ ‘ਤੇ ਆਈ ਏ ਜੋ ਬਾਤ ਰਹਿਣ ਦੇ ।
ਸਰਮਾਇਆ ਗ਼ਮਾਂ ਵਾਲਾ ਵੇਚ ਖ਼ੁਸ਼ੀ ਮਿਲਦੀ ਏ ਜੋ,
ਚੱਲ ਛੱਡ ‘ਜਗਸੀਰ’ ਉਹ ਖ਼ੈਰਾਤ ਰਹਿਣ ਦੇ ।
ਸੰਪਰਕ: +91 98152 62738
