ਤੇ ਖੱਟ ਕੇ ਲਿਆਇਆ ਚਾਨਣ
ਸਾਡਾ ਭਾਵੇਂ ਕੱਖ ਨਾ ਰਵੇ
ਸਾਡੇ ਬਾਲ ਹਯਾਤੀਆਂ ਮਾਨਣ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਲਾਰੀ
ਉਤਰਨ ਚੜ੍ਹਨ ਪਏ
ਸਭ ਆਪੋ ਆਪਣੀ ਵਾਰੀ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਢੱਗੇ
ਢੱਗੇ ਪਿੱਛੇ ਰਹਿ ਗਏ
ਤੇ ਲੰਘ ਗਏ ਟਰੈਕਟਰ ਅੱਗੇ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਕੁਝ ਨਾ
ਹਾਂ ਨੂੰ ਉਡੀਕਦਿਆਂ
ਕਦੇ ਨਜ਼ਰਾਂ ਦੀ ਗੱਲ ਵੀ ਬੁਝ ਨਾ
ਤੇ ਖੱਟ ਕੇ ਲਿਆਇਆ ਧਾਗੇ
ਸੰਗਲਾਂ ਦੀ ਲੋੜ ਕੋਈ ਨਾ
ਜੇ ਪਿਆਰ ਰੱਖੇ ਦਿਲ ਲਾਗੇ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਚਿਟੱਹੀ
ਉਹ ਹਉ ਕਸਰਾਂ ਦਾ
ਜਿਹਦੀ ਚਿਟੱਹੀ ਹੈ ਸ਼ਹਿਦ ਤੋਂ ਮਿੱਠੀ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਹੀਲਾ
ਇਸ਼ਕ ਨਾ ਅੱਖ ਮਿਲੀ
ਤੇ ਰੰਗ ਪੇ ਗਿਆ ਨੀਲਾ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਮੂਰਤ
ਮੂਰਤ ਵੇਖ ਲਈ
ਹੁਣ ਯਾਰ ਵਿਖਾ ਜਾ ਸੂਰਤ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਕਲੀਆਂ
ਕਲੀਆਂ ਦੀ ਫ਼ਿਕਰ ਕਰੋ
ਖ਼ੁਸ਼ਬੂਆਂ ਤੇ ਉੱਡ ਚਲੀਆਂ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਲੋਈ
ਦੁਨੀਆ ਤੋਂ ਬਚ ਕੇ ਰਹਵੇਂ
ਇਹ ਕਦੇ ਨਾ ਕਿਸੇ ਦੀ ਹੋਈ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਯਾਦਾਂ
ਮੇਰਾ ਕਦੇ ਵੱਸ ਜੇ ਚਲੇ
ਤੇ ਮੈਂ ਚੰਨ ਤੇ ਚਕੋਰ ਪਚਾ ਦਾਂ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਖਾਦਾਂ
ਧਰਤੀ ਤਿਹਾਈ ਵਿਲਕੇ
ਸੁੱਕੀ ਨਹਿਰ ਕਰੇ ਫ਼ਰਿਆਦਾਂ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਬਾਤਾਂ
ਦਰਸ਼ਨ ਮੰਗਿਆ ਸੀ
ਮਿਲੇ ਕਾਗ਼ਜ਼, ਕਲਮ, ਦਵਾਤਾਂ
ਬਾਰ੍ਹੀਂ ਬਰਸੀਂ ਖੱਟਣ ਗਿਆ
ਤੇ ਖੱਟ ਕੇ ਲਿਆਇਆ ਬੁੰਦੇ
ਹੱਸ ਹੱਸ ਮਿਲਣ ਵਾਲੇ
ਇੱਡੇ ਦਿਲ ਦੇ ਚੰਗੇ ਨਈ ਹੁੰਦੇ
