ਦਿਨੋਂ-ਦਿਨ ਹੋਈ ਜਾਂਦਾ ਮੰਦਾ ਹਾਲ ਸਾਥੀਉ ।
ਇੱਕ ਕਿਰਤੀ ਦਾ ਕਾਹਦਾ ਨਵਾਂ ਸਾਲ ਸਾਥੀਉ ?
ਇੱਕ ਕਿਰਤੀ ਦਾ ਕਾਹਦਾ ਨਵਾਂ ਸਾਲ ਸਾਥੀਉ ?
ਚੁੱਲਾ ਠੰਢਾ ਹੈ ਤੇ ਭੁੱਖਾ ਪਰਿਵਾਰ ਹੈ,
ਰਹਿੰਦਾ ਗੰਦਗੀ ‘ਚ ਟੱਬਰ ਬੀਮਾਰ ਹੈ,
ਸਿਹਤ, ਸਿੱਖਿਆ ਤੇ ਕੰਮ ਤੋਂ ਕੰਗਾਲ ਸਾਥੀਉ ।
ਇੱਕ ਕਿਰਤੀ ਦਾ ਕਾਹਦਾ ਨਵਾਂ ਸਾਲ ਸਾਥੀਉ ?
ਸੋਚ ਜਾਤਾਂ-ਪਾਤਾਂ, ਧਰਮਾਂ ਮਧੌਲੀ ਹੈ,
ਧੀ ਦੀ ਪੱਤ ਪੱਠਿਆਂ ਦੀ ਪੰਡੋਂ ਹੌਲੀ ਹੈ,
ਲਾਉਂਦੇ ਪਏ ਨੇ ਦਿਹਾਡ਼ੀ ਸਾਡੇ ਬਾਲ ਸਾਥੀਉ ।
ਇੱਕ ਕਿਰਤੀ ਦਾ ਕਾਹਦਾ ਨਵਾਂ ਸਾਲ ਸਾਥੀਉ ?
ਮੁੱਠੀ ਲੋਕ ਇੱਥੇ ਕਰਦੇ ਨੇ ਰਾਜ ਬਈ,
ਦੱਬੀ ਜਾਂਦੇ ਹੱਕ-ਸੱਚ ਦੀ ਅਵਾਜ਼ ਬਈ,
ਪੈਣੀ ਸਮਝਣੀ ਸਾਨੂੰ ਹਰ ਚਾਲ ਸਾਥੀਉ ।
ਇੱਕ ਕਿਰਤੀ ਦਾ ਕਾਹਦਾ ਨਵਾਂ ਸਾਲ ਸਾਥੀਉ ?
ਲੁੱਟ ਕਿਰਤ ਦੀ ਚਾਹੁੰਦੇ ਹੋ ਮੁਕਾਉਣਾ ਸਾਥੀਉ,
ਰਾਜ ਕਿਰਤੀ ਦਾ ਪੈਣਾ ਹੈ ਲਿਆਉਣਾ ਸਾਥੀਉ,
ਜਦੋਂ ਏਕੇ ਨਾਲ ਝੁੱਲੂ ਝੰਡਾ ਲਾਲ ਸਾਥੀਉ ।
ਉਦੋਂ ਕਿਰਤੀ ਮਨਾਊ ਨਵਾਂ ਸਾਲ ਸਾਥੀਉ ।
ਉਦੋਂ ਕਿਰਤੀ ਮਨਾਊ ਨਵਾਂ ਸਾਲ ਸਾਥੀਉ ।
ਰਾਜ ਕਿਰਤੀ ਦਾ ਪੈਣਾ ਹੈ ਲਿਆਉਣਾ ਸਾਥੀਉ,
ਜਦੋਂ ਏਕੇ ਨਾਲ ਝੁੱਲੂ ਝੰਡਾ ਲਾਲ ਸਾਥੀਉ ।
ਉਦੋਂ ਕਿਰਤੀ ਮਨਾਊ ਨਵਾਂ ਸਾਲ ਸਾਥੀਉ ।
ਉਦੋਂ ਕਿਰਤੀ ਮਨਾਊ ਨਵਾਂ ਸਾਲ ਸਾਥੀਉ ।
ਸੰਪਰਕ: +91 98552 07071
