ਕਾਫ਼ਿਰ ਦਿਲ ਦੀ ਇੱਕ ਕਵਿਤਾ

ਤਾਂ ਜੋ ਜ਼ਿੰਦਗੀ ਗੁਜ਼ਰੇ
ਕੀੜੇ ਮਕੌੜਿਆਂ ਤੋ ਬੇਹਤਰ
ਕਿ ਹੰਝੂਆਂ ਦਾ ਮੁੱਲ ਮਿਲ ਸਕੇ
ਕਿ ਕਰਜ਼ਾ ਮੋੜਨਾ ਹੈ ਸਧਰਾਂ ਦਾ
ਜੋ ਹੁਣ ਤੱਕ ਨਿਚੋੜਿਆ ਪਸੀਨਾ
ਕਿ ਹੱਥਾਂ ਦੇ ਅੱਟਣ ਗਵਾਹ ਨੇ

ਅਸੀ ਲੜਨਾ ਹੈ ਕਿਸਮਤ ਨਾਲ
ਕਿ ਲੜਨਾ ਜ਼ਰੂਰੀ ਹੈ ਹੱਕਾਂ ਲਈ
ਕਿ ਹੱਕ ਪਰੋਸੇ ਨਹੀ ਜਾਂਦੇ
ਹੱਥ ਫ਼ੈਲਾਇਆਂ ਨਹੀਂ ਮਿਲਦੇ

ਕਿ ਜ਼ਿੰਦਗੀ ਖੂਬਸੂਰਤ ਹੈ
ਸਦਾ ਇਹ ਸੋਚ ਕੇ ਚੱਲਣਾ
ਸੁਪਨਿਆਂ ਦੀ ਖੇਤੀ ਲਈ
ਜਜ਼ਬਾਤਾਂ ਦੀ ਜ਼ਮੀਨ ਉੱਪਰ
ਮਿਹਨਤ ਕਰਦੇ ਰਹਿਣਾ ਹੈ
ਕਿ ਯਾਰੋ ਲੜਦੇ ਰਹਿਣਾ ਹੈ

ਲੜਨਾ ਜ਼ਰੂਰੀ ਹੈ ਆਖ਼ਿਰ
ਹੱਕਾਂ ਦੀ ਅਜ਼ਾਦੀ ਲਈ
ਅਜ਼ਾਦੀ ਇੰਝ ਨਹੀ ਮਿਲਦੀ
ਕਿ ਬਾਗੀ ਬਣਨਾ ਪੈਂਦਾ ਹੈ

ਕਿ ਤੁਫ਼ਾਨ ਚਲਦੇ ਰਹਿੰਦੇ ਨੇ
ਕਿ ਅੜਕੇ ਖੜਨਾ ਪੈਂਦਾ ਹੈ

ਮੰਜ਼ਿਲ ਸਰ ਹੁੰਦੀ ਨਹੀਂ ਖੜਕੇ
ਕਿ ਕੁਝ ਤਾਂ ਕਰਨਾ ਪੈਂਦਾ ਹੈ