ਕੀ ਸਾਨੂੰ ਅਜ਼ਾਦੀ ਮਿਲੀ ਸੀ ? -ਦੀਪ ਠੂਠਿਆਂਵਾਲੀ

Posted on:- 15-08-2021

ਮੁਲਕ ਦੀ ਵੰਡ ਹੋਈ 1947 ਦਾ ਸੀ ਸਾਲ,
ਸਿਆਸਤ ਲਈ ਲਕੀਰ ਖਿੱਚਤੀ ਕਾਮਯਾਬ ਕੀਤੀ ਭੈੜੀ ਚਾਲ,
ਇੱਕ ਧਰਤੀ ਤੇ ਦੋ ਦੇਸ਼ ਬਣਾਏ ਇਹ ਕੈਸਾ ਜ਼ੰਜਾਲ।

ਕਿਵੇਂ ਜਿਗਰਾ ਕੀਤਾ ਹੋਣਾ ਜਿਨ੍ਹਾਂ ਆਪਣੇ ਵਸਦੇ ਘਰ ਸੀ ਛੱਡੇ,
ਕੁਝ ਲਹਿੰਦੇ ਕੁਝ ਚੜਦੇ ਪਾਸੇ ਆਪਣਿਆਂ ਹੱਥੋਂ ਗਏ ਵੱਢੇ।

ਕਤਲੋਗਾਰਤ ਹੋਈ ਤੇ ਇਨਸਾਨੀਅਤ ਵੀ ਕੀਤੀ ਸ਼ਰਮਸਾਰ,
ਆਪਣਿਆਂ ਹੱਥੋਂ ਆਪਣੇ ਮਰੇ ਉਹ ਮਾਨਸਿਕਤਾ ਸੀ ਬੀਮਾਰ।
ਧਰਤੀ ਤਾਂ ਵੰਡ ਲਈ ਤੇ ਵੰਡ ਲਏ ਧਾਰਮਿਕ ਅਸਥਾਨ,
ਕੁਝ ਰਹਿ ਗਏ ਭਾਰਤ ਦੇ ਵਿੱਚ ਕੁਝ ਰਹਿ ਗਏ ਪਾਕਿਸਤਾਨ,
ਮੰਦਿਰ ਮਸਜਿਦ ਵੀ ਵਿੱਛੜੇ ਤੇ ਵਿੱਛੜ ਗਿਆ ਨਨਕਾਣਾ,
ਨਫਰਤ ਕਦ ਖਤਮ ਹੋਊਗੀ ਕਦ ਹੋਊ ਸਿੱਧਾ ਆਉਣਾ ਜਾਣਾ।

ਸਾਂਝਾ ਸਾਡਾ ਸੱਭਿਆਚਾਰ ਤੇ ਸਾਂਝੀ ਸਾਡੀ ਬੋਲੀ,
ਗੈਰਾਂ ਨਾਲ ਮਿਲਕੇ ਅਸੀ ਭਾਈਚਾਰਕ ਸਾਂਝ ਮਿੱਟੀ ਵਿੱਚ ਰੋਲੀ।

ਅਜ਼ਾਦੀ ਦਿਵਸ -ਬਲਕਰਨ ਕੋਟਸ਼ਮੀਰ

Posted on:- 14-08-2021

ਪੂਰੇ ਮੁਲਕ ਵਿੱਚ 'ਅਜ਼ਾਦੀ ਦਿਵਸ' ਮਨਾਇਆ ਜਾ ਰਿਹਾ ਹੈ, 15 ਅਗਸਤ ਭਾਰਤੀ ਇਤਿਹਾਸ ਦਾ ਸਭ ਤੋਂ ਮਹੱਤਵਪੂਰਨ ਦਿਨ ਹੈ, ਇਹ ਹੀ ਉਹ ਦਿਨ ਹੈ, ਜਿਸ ਲਈ ਕੁੱਝ ਦਿਨ ਜਾਂ ਮਹੀਨੇ ਨਹੀਂ, ਸਗੋਂ ਸੈਂਕੜੇ ਵਰੇੵ ਇੰਤਜ਼ਾਰ ਕਰਨਾ ਪਿਆ। ਅੰਗਰੇਜ਼ੀ ਹਕੂਮਤ ਦੀ ਲੰਮੀ ਗ਼ੁਲਾਮੀ ਤੋਂ ਨਿਜ਼ਾਤ ਮਿਲਣ ਦੀ ਖ਼ੁਸ਼ੀ ਸਮੁੱਚੇ ਭਾਰਤ ਵਿੱਚ ਝਟਪਟ ਅੰਬਰ ਨੂੰ ਛੋਹ ਗਈ।

ਭਾਰਤੀਆਂ ਨੂੰ ਕਾਫ਼ੀ ਲੰਮਾ ਅੰਗਰੇਜ਼ਾਂ ਦੀ ਗ਼ੁਲਾਮੀ ਦਾ ਸੰਤਾਪ ਭੋਗਣਾ ਪਿਆ, 1757 ਈ: ਵਿੱਚ ਪਲਾਸੀ ਦੀ ਲੜਾਈ ਤੋਂ ਸਾਡੀ ਗ਼ੁਲਾਮੀ ਦੀ ਅਜਿਹੀ ਸ਼ੁਰੂਆਤ ਹੋਈ ਜਿਸਨੇ ਲੰਮੇ-ਚੌੜੇ ਸੰਘਰਸ਼ ਤੋਂ ਮਗਰੋਂ ਖੂਨ ਨਾਲ ਲੱਥ-ਪੱਥ ਹੋ ਕੇ ਮਸੀਂ ਕਿਤੇ ਜਾ ਕੇ ਪਿੱਛਾ ਛੱਡਿਆ। ਇਸ ਸਮੇਂ ਦੌਰਾਨ ਸਾਡੇ ਮੁਲਕ ਵਾਸੀਆਂ ਦੀ ਕੀ-ਕੀ ਦੁਰਦਸ਼ਾ ਹੋਈ , ਕਿੰਨੇ ਹਿਰਦਾ ਪਰੁੰਨੵਣ ਵਾਲ਼ੇ ਤਸੀਹੇ ਝੱਲੇ, ਸਾਡਾ ਸਬਰ ਪਰਖਿਆ, ਖੂਨ ਡੁਲਿੵਆ, ਲੱਖਾਂ ਕੀਮਤੀ ਜਾਨਾਂ ਗਈਆਂ, ਇਹ ਕਿਸੇ ਤੋਂ ਲੁਕਿਆ ਨਹੀਂ, ਆਖ਼ਰ ਦੂਜੇ ਵਿਸ਼ਵ ਯੁੱਧ ਵਿੱਚ ਝੰਬੇ ਜਾਣ ਕਾਰਨ ਅੰਗਰੇਜ਼ਾਂ ਦੀ ਹਾਲਤ ਹੀ ਇੰਨੀ ਪਤਲੀ ਪੈ ਗਈ ਸੀ ਕਿ ਉਨਾਂੵ ਨੂੰ ਤਾਂ ਆਪਣੇ ਖ਼ੁਦ ਦੇ ਦੇਸ਼ ਵਿੱਚ ਸ਼ਾਸ਼ਨ ਪੑਬੰਧ ਚਲਾਉਣਾ ਮੁਹਾਲ ਹੋ ਗਿਆ ਸੀ ਤਾਂ ਉਨਾਂੵ ਨੇ ਭਾਰਤ ਨੂੰ ਆਪਣੇ ਹਾਲ ਤੇ ਛੱਡਣ ਦਾ ਫ਼ੈਸਲਾ ਕਰ ਲਿਆ ਸੀ। 3 ਜੂਨ 1947 ਈ: ਨੂੰ ਲਾਰਡ ਮਾਊਂਟਬੈਟਨ ਨੇ ਐਲਾਨ ਕਰ ਦਿੱਤਾ ਸੀ ਕਿ ਭਾਰਤ ਨੂੰ 15 ਅਗਸਤ 1947 ਨੂੰ ਅਜ਼ਾਦ ਕਰ ਦਿੱਤਾ ਜਾਵੇਗਾ, ਬੑਿਟੇਨ ਦੇ ਸਾਸ਼ਨ ਤੋਂ ਅਜ਼ਾਦ ਹੋਣ ਤੋਂ ਬਾਅਦ ਭਾਰਤ ਦਾ ਸਰੂਪ ਤੈਅ ਕਰਨ ਲਈ 4 ਜੁਲਾਈ 1947 ਨੂੰ 'ਦੀ ਇੰਡੀਅਨ ਇੰਡੀਪੈਂਡੈਟਸ ਐਕਟ' ਪੇਸ਼ ਕੀਤਾ ਗਿਆ, ਇਸੇ ਬਿੱਲ ਵਿੱਚ ਹੀ ਭਾਰਤ ਦੀ ਵੰਡ ਕਰਕੇ ਵਿੱਚੋਂ ਇੱਕ ਵੱਖਰੇ ਦੇਸ਼ ਪਾਕਿਸਤਾਨ ਦੇ ਬਣਾਏ ਜਾਣ ਦਾ ਵੀ ਮਤਾ ਰੱਖਿਆ ਗਿਆ ਸੀ, ਇਹ ਬਿੱਲ 18 ਜੁਲਾਈ ਨੂੰ ਪਾਸ ਹੋਇਆ। ਵਰਿੵਆਂ ਦੀਆਂ ਉਡੀਕਾਂ ਮਗਰੋਂ 15 ਅਗਸਤ 1947 ਈ: ਦਾ ਸੂਰਜ ਚੜਿੵਆ ਤਦ ਮੁਲਕ ਵਾਸੀਆਂ ਨੇ ਆਪਣੇ-ਜਾਣੀਂ ਅਜ਼ਾਦ ਫ਼ਿਜ਼ਾ ਵਿੱਚ ਸਾਹ ਭਰਿਆ ਪਰ ਬਟਵਾਰੇ ਸਦਕਾ ਦੇਸ਼ ਦੰਗੇ - ਫਸਾਦਾਂ ਕਾਰਨ ਇਹ ਸੂਲੀ ਟੰਗਿਆ ਗਿਆ । ਅਜ਼ਾਦ ਭਾਰਤ ਦੀ ਇਹ ਨਵੀਂ ਫ਼ਿਜ਼ਾ ਕਿਹੋ -ਜਿਹੀ ਰਹੀ ਹੈ, ਆਓ...! ਸਾਰੀ ਗੱਲ ਕਰਦੇ ਹਾਂ ....!

ਸਿਆਸਤ ਨੇ ਖਾ ਲਿਆ ਦੇਸ਼ ਪੰਜਾਬ -ਦੀਪ ਠੂਠਿਆਂਵਾਲੀ

Posted on:- 05-08-2021

ਬਲਾਤਕਾਰ ਵੀ ਹੋਏ ਇੱਥੇ ਦਹੇਜ ਲਈ ਧੀ ਵੀ ਸਾੜੀ,
ਨਵਜੰਮੀਆਂ ਕੂੜੇ ਚੋਂ ਲੱਭਣ ਇੱਥੇ ਇਨਸਾਨੀਅਤ ਵੀ ਉਜਾੜੀ,
ਨਸਲਕੁਸੀ ਵੀ ਹੋਈ ਤੇ ਪਵਿੱਤਰ ਗੁਰਬਾਣੀ ਵੀ ਗਈ ਪਾੜੀ,
ਸ਼ੰਤਾਲੀ ਚਰਾਸੀ ਦੇ ਨਾਲ ਨਾਲ ਸਾਨੂੰ ਯਾਦ ਰਹੂ ਬਰਗਾੜੀ।

ਜੀਵਨਦਾਤਾ ਮੁੱਕਣ ਵਾਲਾ ਜਹਿਰੀਲਾ ਦਰਿਆ ਵਗਾ ਦਿੱਤਾ,
ਵੱਢ ਦਿੱਤੀ ਹਰਿਆਲੀ ਇੱਥੋਂ ਧਰਤੀ ਨੂੰ ਬੰਜਰ ਬਣਾ ਦਿੱਤਾ,
ਰੋਜਗਾਰ ਲੱਭਦਾ ਨਹੀ ਜਵਾਨੀ ਨੂੰ ਨਸ਼ਿਆਂ ਵਿੱਚ ਲਗਾ ਦਿੱਤਾ,
ਸ਼ੁੰਹ ਖਾਕੇ ਸਰਕਾਰ ਬਣਾਈ ਬਾਦ ਵਿੱਚ ਸਭ ਭੁੱਲ ਭੁਲਾ ਦਿੱਤਾ।

ਮਹਿੰਗਾਈ ਨੇ ਲੱਕ ਤੋੜਤਾ ਹੋ ਗਏ ਹਾਂ ਲਾਚਾਰ,
ਐਨਾ ਪੜ੍ਹ ਲਿੱਖ ਕੇ ਵੀ ਅਸੀ ਹੈਗੇ ਬੇਰੋਜਗਾਰ,
ਹੱਕ ਲੈਣ ਲਈ ਧਰਨੇ ਲਾਏ ਘਰ ਅੱਗੇ ਸਰਕਾਰ,
ਲਾਰੇ ਲਾਕੇ ਘਰ ਤੋਰਤੇ ਇਹ ਵੱਡੇ ਮੱਕਾਰ ।

ਅੱਜ ਦਾ ਪ੍ਰਸ਼ਾਸਨ ਕਿਹੜਾ ਘੱਟ ਡਾਇਰ ਤੋਂ,
ਪਾਣੀ ਦੀਆਂ ਬੌਛਾੜਾਂ ਕਿਹੜਾ ਘੱਟ ਫਾਇਰ ਤੋਂ,
ਉਦੋ ਖੂਨੀ ਖੂਹ ਵਿੱਚੋ ਕੱਢੇ ਹੁਣ ਕੱਢਦੇ ਆ ਨਹਿਰਾਂ ਤੋਂ,
ਆਪਣੇ ਹੀ ਇੱਥੇ ਚੱਮ ਪੱਟਦੇ ਡਰ ਨਹੀ ਸਾਨੂੰ ਗੈਰਾਂ ਤੋਂ।

ਦੀਪ ਨੇ ਕਲਮ ਨੂੰ ਬਣਾ ਲਿਆ ਤਲਵਾਰ,
ਸੱਚੇ ਸੁੱਚੇ ਸ਼ਬਦ ਜੋੜ ਕੇ ਪੇਸ਼ ਕੀਤੇ ਵਿਚਾਰ,
ਤਖਤਾ ਪਲਟਣ ਲਈ ਕਲਮਾਂ ਦੀ ਤੇਜ ਕਰਨੀ ਪੈਣੀ ਧਾਰ,
ਨੇਕੀ ਦੀ ਬਦੀ ਉੱਤੇ ਜਿੱਤ ਦਾ ਲਿੱਖਿਆ ਗ੍ਰੰਥਾਂ ਵਿੱਚ ਸਾਰ।

ਪਰਜਿੰਦਰ ਕਲੇਰ ਦੀਆਂ ਚਾਰ ਰਚਨਾਵਾਂ

Posted on:- 05-08-2021

ਜਦ ਮੇਰਾ ਚਿਹਰਾ ਪੜ੍ਹ ਹੋਵੇ
ਸਮਝਾਂਗੇ ਪਿਆਰ ਮੁਕੰਮਲ ਏ

ਜੋ ਵੀ ਹੋਇਆ ਚੰਗਾ ਹੋਇਆ
ਰੱਬ ਤੇ ਇਤਬਾਰ ਮੁਕੰਮਲ ਏ

ਜਿਸ ਥਾਂ ਤੇ ਇੱਜਤ ਮਾਣ ਮਿਲੇ
ਜਾਣਾ ਹਰ ਵਾਰ ਮੁਕੰਮਲ ਏ

ਗ਼ਮ ਘੁੱਟ ਜੋ ਲੈਣ ਕਲਾਵੇ ਵਿੱਚ
ਬਾਹਾਂ ਦਾ ਹਾਰ ਮੁਕੰਮਲ ਏ

ਪੰਛੀ ਵਾਂਗਰ ਮੁੜ ਆਵੇਂ ਜੇ
ਕਰਨਾ ਇੰਤਜ਼ਾਰ ਮੁਕੰਮਲ ਏ

ਸ਼ਹੀਦ ਉੱਧਮ ਸਿੰਘ - ਦੀਪ ਠੂਠਿਆਂਵਾਲੀ

Posted on:- 31-07-2021

ਗੁਮਨਾਮੀ ਵਿੱਚ ਧੱਕ ਕੇ ਭੁਲਾ ਦਿੱਤਾ ਜੋ ਜੰਮਿਆ ਸੀ ਵਿੱਚ ਸੁਨਾਮ,
ਉਡਵਾਇਰ ਨੂੰ ਗੱਡੀ ਚਾੜਨੇ ਵਾਲਾ ਉੱਧਮ ਸਿੰਘ ਉਹਦਾ ਨਾਮ।

ਕੈਕਸਟਨ ਆਉਣਾ ਸੀ ਬੁੱਚੜ ਨੇ ਦੇਣ ਲੋਕਾਂ ਦੇ ਜੁਆਬ
ਉੱਧਮ ਸਿੰਘ ਵੀ ਆ ਗਿਆ ਪਿਸਤੌਲ ਰੱਖ ਕੇ ਵਿੱਚ ਕਿਤਾਬ।

ਇੱਕ ਇੱਕ ਗੋਲੀ ਦਾ ਹਿਸਾਬ ਲੈਣਾ ਜੋ ਨਿਹੱਥਿਆਂ ਦੇ ਮਾਰੀ,
ਗੋਰੇ ਦੀ ਹਿੱਕ ਵਿੱਚ ਗੋਲੀ ਮਾਰਕੇ ਉਹਨੇ ਕਾਇਮ ਰੱਖੀ ਸਰਦਾਰੀ।

ਆਜਾਦੀ ਦੇ ਦੀਵਾਨੇ ਕਿੱਥੋ ਡਰਦੇ ਲਾ ਦਿੰਦੇ ਜਾਨ ਦੀ ਬਾਜੀ,
ਵੈਰੀ ਦੀ ਛਾਤੀ ਵਿੱਚ ਪਿੱਤਲ ਭਰਕੇ ਉਹਨੇ ਮੋੜ ਦਿੱਤੀ ਸੀ ਭਾਜੀ।

ਲੰਡਨ ਜਾ ਵੈਰੀ ਲਲਕਾਰਿਆ ਇਸ ਜਜਬੇ ਦੀ ਦੇਣੀ ਪਊਗੀ ਦਾਦ,
ਇੱਕੋ ਮਾਲਾ ਤਿੰਨੋ ਪਰੋਤੇ ਰਾਮ ਮੁਹੰਮਦ ਸਿੰਘ ਆਜਾਦ।

ਕੋਈ ਰੱਬ ਨੂੰ ਪਾਉਣੇ ਲਈ ਮੱਕੇ ਜਾਦਾ ਤੇ ਕੋਈ ਜਾਦਾ ਕਾਸ਼ੀ,
ਆਜਾਦੀ ਨੂੰ ਹੀ ਰੱਬ ਮੰਨਣ ਵਾਲੇ ਚੁੰਮ ਲੈਦੇ ਨੇ ਫਾਂਸੀ।

ਉਪਾਸਕ ਹਾਂ ਅਸੀ ਆਜਾਦੀ ਦੇ ਸਾਡੇ ਖੂਨ ਵਿੱਚ ਵਫਾਦਾਰੀ,
ਜੋ ਕਹਿੰਦੇ ਹਾਂ ਉਹ ਕਰਦੇ ਹਾਂ ਸਾਨੂੰ ਅਣਖ ਜਾਨ ਤੋਂ ਪਿਆਰੀ।